#1
Humormat do Kinoringan

@Humormat do Kinoringan,
Om it Anak Dau Yesus,
Humormat po di Sundu Dau,
Om kokuasaan Dau,
Haleluya, haleluya,
Om kokuasaan Dau.

@Humormat do raja tokou,
I Tuhan do riniba,
Humormat tokou di Yesus,
Minananggung di tokou,
Haleluya, haleluya,
Minananggung di tokou.

@Haleluya mangarazou,
Tokou di raja tokou,
Adau sodop minta dua,
Adau sodop sumamba,
Haleluya, haleluya,
Adau sodop sumamba.

#2
Siti Kou-no Pongoguna

@Siti kou-no pongoguna, 
Di kokuasaan,
di ngaran do Kinoringan.
Humormat tokou d'Yesus,
I Tuhan tokou.
 
@I Tuhan tokou Yesus Krist' 
Antad sorid surga,
Sinumamung do riniba.
Humormat tokou d'Yesus
I Tuhan tokou.
 
@Sokoviai i riniba,
Osomok ko osodu,
Suvang sid panambayangan.
Humormat tokou d'Yesus,
I Tuhan tokou.
 
@Ot ongopiuumpugan,
Dot ulun Kristian,
I Tuhan opilolongoi.
Humormat tokou d'Yesus,
I Tuhan tokou.


#3
Antad sid Kosilahon
 
@Antad sid kosilahon,
Sampai sid kotonobon,
Indozoho dikou i Tuhan,
Indozoho dikou i Tuhan.

#4
Kohormatan sid Tuhan-za
 
@Kohormatan sid Tuhan-za
Kinoringan sid savat.
Sabab nokotindal okoi
antad sid kosusaan
I Kinoringan manamod,
popiandus di riniba,
pinengkod di kasanaan.
 
@Mongindazou okoi Dikau,
ot Ama-za sid surga.
Sabap nahatul-okoi-no
Dikau sid kosinangan,
tu i kokuasaan-Nu
nga amu engkod sid dahai,
amu tumanus sid penlaid.
 
@O Tuhan-za Yesus Kristus,
Minananggung di riniba
iri kinapatazan-Nu
sinumaap di sala-za.
O Tuhan, sianai okoi,
Iningo-okoi dit osusa,
tulungai-okoi-no-kai.
 
@O sundu do Kinoringan
di banalko osusi,
mokirinding-okoi Dikau
diri kokuasaan-Nu.
Amu okoi-ogi onong
do karaatan om sala,
tu Ikau o harapan-za.

#5
Unsopot Tokou Sokoviai

@Unsopot tokou sokoviai,
ot ongulun Kristian.
Songlongoi-longoi sokoviai,
tu otomon i ginavo.
Humormat om mongoguna
di kovosihan di Tuhan.

@I kotomon do Kinoringan
mintoron-no sid di tokou.
It ajaran di Tuhan Yesus
monuduk di ralan tokou.
I sundu do  Kinoringan
poimpit di kosusaan
 
@Tokou biano mindolongoi
torima kaseh sid Tuhan.
Pambaton it ongoginavo,
Songlongoi-longoi sokoviai
Songindazou-dazou tokou
di samod do Kinoringan

#6
Pongindazou-no di Yesus
 
@Pongindazou-no di Yesus
I Tuhan 't apangkat,
Songlongoi longoi-no
sakavi di kuasa dau.
Siti kou-no,
mindolongoi tokou-no
dot otomon i ginavo.
 
@Pongindazou-no di Yesus
I Tuhan 't avasih.
Sodop adau-no i 
Tuhan manatap di tokou.
O Tuhan-za
tulungai-okoi-no-kai
sampai pada di sala-za.

@Pongindazou-no di Yesus
I Tuhan 't avantang
Iosido-no pinembulai
di kovosihan Dau.
Mozom tokou,
tu mongining di Yesus
sampai mangasip di Yesus.
 
@Pongindazou-no di Yesus
i Tuhan 't abanal.
Iosido manahak di tokou di koposizan.
Ot ongoulun,
kadan-no poolingai,
Yesus mAmarkat di tokou.
 
@Pongindazou-no di Yesus
I Tuhan 't asavat
Songindazou-dazou
kavi di ngaran 't agazo.
O riniba,
ompuso-no i gama
do mongoguna di Yesus.

#7
O Riniba, Mongohormat

@O riniba, mongohormat
di Kinoringan-za.
Mongindazou tokou banal
di Tuhan sid surga.
 
@I palad do Kinoringan
monunda di tokou,
I samod om kovosihan
Mamasi di tokou.
 
@Ong varo no kosusaan,
I Tuhan monulung,
manahak do kosukupan,
supaya osinang.

@Tahakai-okoi, o Tuhan
di kosinangan-Nu
i kotomon di ginavo
mangahatul dahai.

@Sampai matai aharap-za
i boros di Tuhan.
Sampai penlaid a-olingan
i Yesus Tuhan-za.

#8
Miumpug Tokou Tumoguvang di Tuhan

@Miumpug tokou tumoguvang di Tuhan,
tu mangarazou di Tuhan 't avasih.
Iosido pengkod kavi i karaatan
om manahak di kopioondusan.

@Mongohormat tokou di ngaran di Tuhan
om mongindazou di kosunduvo Dau.
Mangasip tokou Nakamanang i Tuhan
pinembulai di koposizan dau.
 
@Mindamo tokou om mongontupat tokou,
tu amu momogos vagu di Tuhan.
Sid riniba iso-no kamanangan,
ino-no mangasip sid Tuhan tokou.

#9
Haleluya, Haleluya
 
@Haleluya, haleluya, A-min, A-min.

#10
Humormat dit Ama
 
@Humormat dit Ama
om it Anak
om i Sundu dau,
iadko i kinotimpuunan
biano diti
sampai salaid-laid
sampai salaid-laid.
A-min.

#11
Kohormatan sid Kinoringan
 
@Kohormatan sid Kinoringan
piondusan sid pomogunan
sid ongulun di
kenginan di Tuhan.
A-min, A-min.

#12
O Vinangun Sokoviai
 
@O vinangun sokoviai,
pongindazou di Tuhan nu,
Haleluya, haleluya,
Mindolongoi sokoviai
antad sitid pomogunan
Pongindazou di Tuhan nu,
Haleluya, haleluya
Haleluya.
 
@Ot adau dot atarangi
iradko amas kavantang,
haleluya, haleluya,
o vulan dot anavaui,
iradko perak kosirou,
Pongindazou di Tuhan nu,
Haleluya, haleluya
Haleluya.
 
@O barat dot ologodi,
o darun dot asapoui,
haleluya, haleluya,
topot biano otodu
momunsilou itit avan,
Pongindazou di Tuhan nu,
Haleluya, haleluya
Haleluya.
 
@Ot ongobavang 't oliou,
o tana dot avantangi,
haleluya, haleluya,
o rahat om ongopuru,
o himbaan dot otuvong,
Pongindazou di Tuhan nu,
Haleluya, haleluya
Haleluya.
 
@Ot ongodupot sakavi,
i mamanau i tumulud,
haleluya, haleluya,
ot ongotagad om ranau
ot ongotaras om kabun,,
Pongindazou di Tuhan nu,
Haleluya, haleluya
Haleluya.

@O riniba vozo kou-no
pongindazou di samod Dau,
haleluya, haleluya,
o bansa kovi-oviai
iadko i anganak dau
Pongindazou di Tuhan nu,
Haleluya, haleluya
Haleluya.

@O vinangun sokoviai,
piumpug kou mindolongoi,
haleluya, haleluya,
pongindazou di Tuhan-nu
It asavat om osusi,
Biano diti sampai penlaid.
Haleluya, haleluya
Haleluya.

#13
O Riniba Razou kou di Tuhan

@O riniba razou kou di Tuhan,
otomon i gama sumambayang.
Pangarazou kou di Tuhan.

#14
Pongindazou kou di Tuhan
 
@Pongindazou kou di Tuhan
sokoviai pomogunan.
Rikot kou-no, samba kou-no
dot unsopot i ginavo.
 
@Hondomo dikou i Tuhan,
ino-no o Kinoringan.
Iosido-no minongurug
di tokou kavi riniba.
 
@I tokou diti bansa dau
i ginama di palad Dau.
I kovosihan di Tuhan
manahak di koposizan.
 
@Suvang kou-no ot ongoulun
sid valai do Kinoringan.
Monorima kasih tokou.
sid natad om sid rinuvang.
 
@Mindolongoi tokou-nobo.
mangarazou di ngaran dau.
Monorima kaseh-nobo
gama tokou sodop adau.
 
@I kovosihan di Tuhan
om koruhunan mintoron
sid tokou ulun Kristian
suvab-suvab sampai penlaid.

#15
O Tuhan Tasavat

@O Tuhan t'asavat,
tulungai okoi-no
di humormat
dit Ama sid surga,
i Raja t'asavat
Rikot om tundao okoi kavi.

@O sundu t'osusi
rikot-no sid dahai
sampai emot
i kuasa di Tuhan
sitid pomogunan.
Rikot om tundao-okoi kavi.
 
@O Tuhan t'asavat,
Tuhan do kipangkat,
iningo-no,
mongindazou-okoi,
iokoi sokoviai
mongindazou Dikau
sampai penlaid.


#16
Banalko osusi ong i Kinoringan
 
@Banalko osusi ong i Kinoringan.
Antad do sasarap rozoho tokou-no.
Banalko osusi ong i Kinoringan,
Tuhan it Ama, Anak om Sundu.
 
@Banalko osusi ong i  Kinoringan.
It ongoulun kasip sumamba-no kavi.
It ongo malaikat nga sumamba kavi
sid  Kinoringan sampai sid penlaid.
 
@Banalko osusi ong i Kinoringan.
I vuros-Nu, Tuhan, amu dahai emot.
Iso-no i Tuhan, do banalko osusi
sampai asamod om obinsianan.
 
@Banalko osusi ong i Kinoringan.
Kavi vinangun sitid pomogunan
sumamba-no kavi di Tuhan 't osusi,
Tuhan it Ama, Anak, om sundu.

#17
Sokoviai i Riniba
 
@ Sokoviai i riniba
mongindazou-no di Tuhan.
Rumikot tokou-no sid dau.
Humormat om mongoguna.

@Iosido-ne Kinoringan
i minongurug di tokou.
Iosido-no i manaud
di tokou kavi riniba.
 
@Suvang-kou-no ot ongulun,
sid valai do Kinoringan
dot otomon i ginavo
mongohormat di ngaran Dau.
 
@I Kinoringan, i Tuhan,
noponu do kosianan.
Opihot kabanaran Dau
a-sumimban sampai penlaid.

#18
Monorima kaseh

@Monorima kaseh
sid  Kinoringan dahai,
manahak i Tuhan di kovosihan Dau.


#19
Humormat dit Ama om i kuasa Dau
 
@Humormat dit Ama om i kuasa Dau,
it asamod sampai nitahak-no Dau,
it Anak Dau i Tuhan Yesus Kristus
nopogos tu mamasi sokoviai.
Razou kou, Razou kou
iningo-no dikou.
Razou kou! Razou kou!
Ambat kou koviai.
Rumikot tokou-no sid  Kinoringan.
Mongohormat tokou di kuasa Dau.
 
@I raha di Tuhan o minangapus
di sala dit ongoulun di mangasip,
Minsanko kisala sukul mangasip
nga kakali dot ompunan di Yesus.
Razou kou, Razou kou
iningo-no dikou.
Razou kou! Razou kou!
Ambat kou koviai.
Rumikot tokou-no sid  Kinoringan.
Mongohormat tokou di kuasa Dau.
 
@I kovosihan Dau om i kuasa Dau
manahak di tokou do kohigakan,
tu gima asavat om kikuasa.
Ohigak tokou ong kelo di Tuhan.
Razou kou, Razou kou
iningo-no dikou.
Razou kou! Razou kou!
Ambat kou koviai.
Rumikot tokou-no sid  Kinoringan.
Mongohormat tokou di kuasa Dau.


#20
O Tuhanku ong itungon ku kavi

@O Tuhanku ong itungon ku kavi.
It ongo ginama di palad Nu,
i korud ko ongo korimbutuon,
ovongo ku di kosunduvo Nu.
Mongindazou oku Dikau Tuhan,
Osundu ko! osundu ko.
Mongindazou oku Dikau Tuhan,
osundu ko, osundu ko!
 
@Ong etung-ku i samod  Kinoringan
Minangakun dot matai 't Anak Dau
nasansara sirid kazu do sangkap,
tu mangada dit ongosala-ku.
Mongindazou oku Dikau Tuhan,
Osundu ko! osundu ko.
Mongindazou oku Dikau Tuhan,
osundu ko, osundu ko!

@Ong rumikot siti vagu i Yesus,
tu mongovit-no dohon sid surga,
tantu-no-ko ohigak-oku banal
sampai mongindazou di Tuhan-ku.
Mongindazou oku Dikau Tuhan,
Osundu ko! osundu ko.
Mongindazou oku Dikau Tuhan,
osundu ko, osundu ko!



#21
O Kinoringan dot asavat
 
@O Kinoringan dot asavat
mangarazou okoi-no Dikau.
Ovongo kavi i riniba
do minongurug ko sokoviai.
Antad sid kinotimpuunan,
ako sumimban sampai penlaid.
 
@Mongohormat-no kavi Dikau
sokoviai i suvang do surga.
Mindolongoi dot osinang.
Kavi-avi it ongomalaikat
momoros-no sodop adau,
O Tuhan, Ikau ot osusi.
 
@O Kinoringan dot osusi,
monuhu-ko dit ongomalaikat,
tu agazo i ginavo-Nu
do mmonulung dahai suvab-suvab.
Ikau Tuhan sanganu di
kavi it avan om i tana.
 
@Suvab-suvab nga ozi-okoi
do mangarazou Dikau, o Tuhan.
Monorima kaseh-okoi-no
sampai penlaid dot aso rontob.
Sopulai-okoi, o Tuhan,
antad sid ongokaraatan.


#22
Hosiana i Raja
 
@Hosiana i Raja
it Anak do Kinoringan
korikot sid di tokou,
pembulai di karajaan
Ongunsopot sakavi,
tu nokorikot Yesus.
 
@Hosiana, tokou-no
sumamung di Minananggung
Siti-ko, o Raja-za,
suvang sid ongoginavo.
Mintoron-ko sid dahai,
sid ongoginavo-za.
 
@Hosiana, o Tuhan,
tulungai-no it osusa,
tulungai i ginavo
sumamba Dikau atantu,
Sumuhut di vazaan
iadko i koruhang-Nu.
 
@Hosiana, o Raja,
rikot sid valai-za,
suvang sid pomogunan,
suvang-no sid ongoongkob,
pembulazo sid dahai
i kinarajaan-Nu.

#23
I Korimbutuon d'Yesus

@I korimbutuon Yesus,
mimbulai sorid Baitlahim
minontok-no sid kandang,
tu monuduk-no di tokou
di vazaan sid Baitlahim,
tu humormat di Yesus .
Amin, amin, 
it ompiling it anavau it atarang
di Yesus i Tuhan tokou.
 
@Antad sorid Kinoringan
nokorikot it anavau
di korimbutuon Dau.
Ot Anak sid susumadan,
sumamung-okoi-no Dikau,
panavaho-okoi-no.
Amin, amin,
manganavau om monulung di ginavo,
monusi di sokoviai
 
@O Kinoringan sid surga,
monginsasamod-ko dahai
antad di tinimpuuni.
Yesus-no i panamod-nu,
\qYesus-no i panahak-nu
sid dahai ulun Kristian.
Amin, amin,
i panamod, i panahak, i ponian
di nokorikot sid dahai
 
@Humarap-okoi sid Dikau,
o Yesus i Tuhan dahai,
Ikau o tungkusan-za.
Ikau i kosungguvo-za,
Ikau i kinotimpuunan,
Ikau i parantaban.
Amin, amin,
rikot-no-kai, o Tuhan-za, siti-ko-no,
momonginud-okoi Dikau


#24
Porikoto it ompiling-Nu
 
@Porikoto it ompiling-Nu
tu mangagazad dahai sid Dikau,
sampai monorima kasih okoi.

#25
Antad sid Surga mindahu
 
@Antad sid surga mindahu
i malaikat do Tuhan-za,
mangahabal do kapasi
sid ongulun sokoviai.
 
@I boros Dau, Iningo-no
i habal do kovosihan,
biano kinosinaan
di Tuhan i minananggung.

@Manjadi sorid Baitlahim
kinusuvan di mariam
dit Anak do  Kinoringan
modop-odop sirid kandang.
 
@I Tuhan Yesus manahak
dikou do koposizan Dau
sampai mangada sakavi
dit ongokasalaan dikou.
 
@Otomon-no sokoviai,
sabap nokorikot Yesus.
Mongindazou tokou d'Yesus.
om i Kinoringan tokou.


#26
Rumikot-ne Tuhan 
 
@Rumikot-ne Tuhan
do mamasi dohon
antad sorid surga
sumiti no.
Rumikot-ne Tuhan
Sitid pomogunan,
jumadi-ne sido
dot obpinai ku.
Kopiondusan.

@Posik-kou, o manaud,
imot do anavau,
iningo-ne habal
dot avasih.
Sabap sodop biano
kosino i Tuhan.
Samung-kou dit Anak
sid susumadan.
Kopiondusan.

@It ulun do Majus
mogihim dit Anak,
mozo do kolobintang
di mamanau,
tu sumamba ioti
di mananggung dahai,
amas om komonian
Om montorik-ma
ot isamba.

@Ambaton tokou-ne
longoi do malaikat,
iri-ne longoi dau,
Kohormatan
sid  Kinoringan-za
om sid pomogunan
nga piondusani sid ongoulun
sokoviai.


#27
Ot ongulun Kristian
 
@Ot ongulun Kristian,
rikot kou sakavi,
rikot kou sid Tuhan Yesus Kristus.
Otomon tokou, tu i Tuhan tokou.
Samba kou mongoguna,
Samba kou mongoguna,
Samba kou mongoguna
di Mananggung.
 
@Mindolongoi tokou,
mambat kou di longoi
dit ongomalaikat sorid surga.
Isuhut kavi i kabang om ginavo.
Samba kou mongoguna,
Samba kou mongoguna,
Samba kou mongoguna
di Mananggung.

@Kohormatan banal
do Kinoringan
om sid riniba ipiondusan.
Piondusan sid ongoulun kavi.
Samba kou mongoguna,
Samba kou mongoguna,
Samba kou mongoguna
di Mananggung.
 
@It ongoulun manaud
kumaa sid kandang,
tu mogihim di Yesus Kristus.
Sumuhut tokou
rumiko sid di Yesus.
Samba kou mongoguna,
Samba kou mongoguna,
Samba kou mongoguna
di Mananggung.


#28
Rikot-kou, Pongindazou kou

@Rikot-kou, pongindazou kou
do Kinoringan i Tuhan
pindolongoi mongoguna
Yesus Kristus i Tuhan.
 
@I habal do kovosihan
riumikot antad sid surga,
mangalapas-mai di tokou
antad sid karaatan

@Timpan-kou-no di panamod
do Kinoringan i Tuhan.
Sumamung tokou sakavi
di Tuhan sid susumadan
 
@It Anak do Kinoringan
nitahak-no sid di tokou,
mangada di kasalaan
om pensodu di rogon.
 
@Rikot-kou, pangarazou-kou,
sokoviai it ongulun.
I Yesus i minananggung,
i Yesus Tuhan tokou.


#29
Sid Baitlahim sino-no
 
@Sid Baitlahim sino-no
it Anak do Raja.
Iosido o manahak 
do kapasi penlaid.
Amin, amin om kopioondusan.
 
@Ozom kavi i butul
sabap mongining-no
di longoi di malaikat
di mongindazou-no
Amin, amin om kopioondusan.
 
@Iri't ongomanaud
mogihim dit Anak.
Tu nening-no dioti 
i habal do surga.
Amin, amin om kopioondusan.

@Ong kensan-kou-po mimot
om kasamung-kou Dau,
atahakan-kou do
kotungkusan penlaid.
Amin, amin om kopioondusan.


#30
I matai i Mananggung
 
@I matai i Mananggung,
Anak do  Kinoringan,
rumikot sid di tokou
gima i kosianan Dau.
 
@Osian i riniba,
asansara pempatai,
oduruk om tumanus,
tu gima i sala dau.
 
@I Tuhan Yesus Kristus
najadi do riniba,
tu mangada di sala
dit ulun di mangasip.
 
@Humino it otuvong,
sumuvab ong didino,
sumilau-no it adau
antad sorid Baitlahim.


#31
Antad Sorid Kosilahon

@Antad sorid kosilahon
tolu raja sid panahon
mozo di korimbutuon,
tu varo hormaton.
O...
Kolobintang do Raja,
kolobintang 't osundu
potuduk, sid kotonobon
rumikot no sid Tuhan.

@Pomogunan do Baitlahim
kinalandazan di Tuhan.
Mongovit-oku dot amas
i pongohormatku.
O...
kolobintang do Raja,
kolobintang 't osundu
potuduk, sid kotonobon
rumikot no sid Tuhan.

@Komonian nga i samba-ku
sid Tuhan sompomogunan.
Mindolongoi, minta dua
sumamba sid Tuhan.
O...
Kolobintang do Raja,
kolobintang 't osundu
potuduk, sid kotonobon
rumikot no sid Tuhan.

@Montorik nga isamba-ku.
Tantu do kosusaan-ku
kolunguzan, kapagasan
varo-no kotonusan.
O...
Kolobintang do Raja,
kolobintang 't osundu
potuduk, sid kotonobon
rumikot no sid Tuhan.

@I Yesus-ne nogulianan,
i Raja om Kinoringan.
Haleluya, haleluya
bahagi di Tuhan.
O...
Kolobintang do Raja,
kolobintang 't osundu
potuduk, sid kotonobon
rumikot no sid Tuhan.

#32
Ot Anganak Kavi Sumiti Tokou

@Ot anganak kavid sumiti tokou,
sid kandang sid Baitlahim rikot tokou,
tu mongkodimot di gama dit Ama
sid surga bahagi tokou riniba.
 
@Timpan-kou, 't anganak,
sid susumadan di Yesus,
it Anak do Kinoringan,
opodok, ragang-po om linopot-no,
i Tuhan Yesus sid kandang do dupot.
 
@Samba-kou-no sid Anak
Yesus Kristus, sumuhut di gama
dit ongomanaud, tu i Yesus Kristus
o mangalabus om mananggung,
monindal di riniba.
 
@Monorima kaseh sid Kinoringan,
gima it Anak Dau di nokendahu
tu monuduk i Yesus dit anganak
jumadi dot anak do  Kinoringan.


#33
I Sodop 'Tosusi
 
@I sodop 't osusi
anavau om ozom
sodop do kinalandazan
di Kristus Yesus Tuhan tokou
I mamasi di tokou,
om posinang penlaid.

@I sodop 't osusi
nokotigog kavi
it ongomanaud do domba
di rinumikot i malaikat
tu pahabal sid dioti,
sino-no i Kristus.

@I sodop 't osusi
sodop dot avasih
nakalandai-no i Kristus
sid kandang do sapi om karabau,
i mamasi di tokou
om posinang penlaid.
 
@Ot ongoulun sokoviai
tumimung tokou-no
mongindazou dinot Anak
sid kandang do sapi om karabau
i mamasi di tokou
om posinang penlaid.


#34
Sid Saralom Susumadan

@Sid saralom susumadan sinono,
Yesus di ragang po modop-odop no.
I korimbutuon sumirot sid Dau
di modop-odop sirid susumadan.
 
@Uni di sapi koposik dit Anak.
Topot it Anak amu minogihad.
O Yesus osianan-oku Dikau,
intoron sid dohon sampai osuvab.
 
@Intoron-no sid dohon o Tuhan-ku.
Sianai-oku sampai salaid-laid
Berkatai it anganak sokoviai,
supaya kosuvang-okou sid surga.


#35
I Malaikat 'd Kinoringan

@I malaikat'd Kinoringan
minangahabal-no
di habal do kovosihan
sid manaud do domba.

@Kada-kou-no korosi, ka
varot ihabal-za.
Iso habal kounsapatan
do sompomogunan!

@Sid kota di raja Daud
nakalandai biano
i Kristus i Tuhan tokou,
biano emot dikou.

@Emot dikou inot Anak,
Anak Kinoringan,
modop-odop sirid kandang
sid kandang do dupot.

@It ongomalaikat kavi
minomodrikot-no,
mongindazou sakavi
di Tuhan 't avasi.

@Kohormatan Kinoringan
om kopiondusan
sid saralam pomogunan
sampai salaid-laid.


#36
Ohigak-ne Pomogunan

@Ohigak-ne pomogunan,
Sino-no i Tuhan
patahako i ginavo-nu.
Pindolongoi kou-no,
Pindolongoi kou-no,
pongindazou kou di Tuhan.
 
@Ohigak-ne pomogunan,
Yesus-no i Raja.
Sokoviai i riniba
mindolongoi kavi,
mindolongoi kavi,
tu mongindazou di Tuhan.
 
@Natanus-ne kosusaan
om i kolunguzan,
I barkat di Tuhan Yesus
pinedu di sala,
pinedu di sala,
pinedu di kosusaan.

@I Yesus-ne Raja tokou
do sompomogunan.
I kuasa om i Sundu Dau,
kuasa om Sundu Dau,
kuasa om Sundu Dau,
pembulai-no di samod Dau.


#37
Iningo-ne Malaikat 
 
@Iningo-ne malaikat,
mindolongoi sid savat:
Kohormatan sid Tuhan 
piondusan pomogunan
otomon-ne vinangun,
tu varo kohigakan.
Habal kinosinaan dit
Anak sid Baitlahim.
Iningo-ne malaikat
mongohormat dit Anak.

@Kristus Raja riniba,
Raja tokou sid surga,
rumikot sid riniba,
tu monusi do sala.
Jinumadi riniba,
tu mangada do sala.
Tuhan sampai penlaid
Yesus-net Immanuel
Iningo-ne malaikat
mongohormat dit Anak.
 
@Raja kopiondusan
om Raja kabanaran,
aso kerad kanavau,
kuasa dit ompiling Dau,
antad kavi sid Tuhan,
kuasa do koposizan
om kuasa kogulianan,
Tuhan sompomogunan
Iningo-ne malaikat
mongohormat dit Anak.



#38 
Imatai Tokou i Yesus
 
@Imatai tokou i Yesus,
i minatai sid Golgotha,
Iti Raja do riniba
hodi sid kazu do sangkap.

@Imatai tokou i guvas
i mini-ginit sid sangkap
om i karaatan tokou
nakapus-no sid Golgota.
 
@I raha di Tuhan Yesus
nokotuntug sid di tokou.
Nohugus-net ongosala
dot ongoulun sokoviai.

@I Tuhan tokou minatai,
tu minananggung di tokou.
Iri-no kinapatazan
tu minamasi di tokou.



#39
o Yesus Mongitung Oku
 
@O Yesus mongitung-oku
dino kinapatazan-Nu,
tu minongontok ko dohon
dit agazo i sala-ku.
 
@Mongohondom-oku Dikau
om i kinapagasan-Nu
i sirid kazu do sangkap
sorid burul do Golgota.
  
@Ikau dino aso sala
niada-Nu i sala-ku,
supaya otindal-oku
antad sid karaatan-ku.
 
@Jodizon-oku-no Dikau
sid koposizan-Nu vagu.
Sumusui-oku-no Dikau
do kumaa sid Ama-Nu.


#40 
O Riniba Timpan-Kou

@O riniba, timpan-kou
di Raja mini-ginit
sid kazu do sangkap.
I Tuhan dot apangkat
momurimon 't oruol,
sansara om karaatan.
 
@Isai o minamambang
Dikau, o Tuhan dahai?
Isai minonigal
dit ulu-Nu dot rugi?
Sabap aso sala-Nu
om aso karaatan-Nu.
 
@ Sabap i sala dahai
di banalko ogumu
minamambang Dikau
om popurimon Dikau
opogos dot oruol,
tu mananggung di sala-za.
 
@Iokoi monuli Dikau,
o Tuhan do nopogos
sid kazu do sangkap.
Nunu i gamaon-za?
Ino-no: adau sodop
sumamba humormat Dikau.
 
@It ongoginavo-za
sodop adau mongitung
Diri sansara-Nu,
supaya sampai matai
amu olingan-za
iri kinapatazan-Nu.



#41 
O Yesus Tuhan Dahai
 
@O Yesus Tuhan dahai
nokotikab oku
do nemot-ku Ikau
sirid sansara-Nu.
I vuros om it ulu 
nadamat om nagauk
sionggo it ongulun
di siumamba Dikau?
 
@Nohorotizan-ku dot
mongontok-ko dohon.
I sangkap dit avagat
dohon do boboon.
I lalapos, i dula
om i kapatazan
ong kiroon t'apatut,
ioku o kopurimon.
 
@ Kada sunsubo-oku,
o Yesus, Tuhan-ku
do kumoruhang-oku
Dikau sid sangkap-Nu.
Bang onong oku-no do
pensubaan vagu,
pahandamai-no dohon
i kapagasan-Nu
 
@Bang matai-oku diti,
tulungai-oku-no,
supaya ong asampit
guvas om ginavo,
kakavid-oku Dikau,
o Mananggung dohon.
Bohogizai-oku-no
di koposizan-Nu.



#42 
Ot Ongoulun Kristian Hondomo i Yesus
 
@Ot ongulun Kristian
hondomo i Yesus
om i kinapagasan
mananggung di tokou.
Minanapul iosido
di tokou riniba
diminatai iosido.
O Yesus Minananggung dahai.
 
@Minamanau e Yesus
ino sodop diri
sid kabun Getsemani,
gima minta dua.
Topot a-po nopongo,
rumikot i Yudas
tu manabpo di Tuhan.
O Yesus natabpaan-ko-no
 
@ Tinarik-no i Yesus
sid valai dit imam.
Hukumon do riniba
i Raja do syurga.
Minsanko iso sala
mau kemot ioiti.
Topot, patazon-no, ka.
O Yesus, nohukuman-ko-no.
 
@Iso-po koruhang Dau
sumuhut sid sodu.
Agazo i ginavo
di Petrus sid Tuhan.
Topot minongolim-no,
rumosi dot ulun.
Aso-no koruhang-Nu.
O Yesus, iseso-ko-po.
 
@It ulun momorinta
Pontius Pilatus
sumuhut di kenginan
dit ulun t'araat.
Nipalapos i Yesus,
niposigal rugi,
nagauk dit ongo-sojal.
O Yesus, nopogos-ko-no.
 
@Inovit-no ni Yesus
sid burul Golgota.
Saanon Dau kondiri
i kazu do sangkap.
Siri pinasangkapan
dioti i Tuhan
mad ulun do kisala.
O Yesus, linanut-Nu-no.
 
@Sid sansara i Yesus
mongodim dit Ama.
Nokuro, tu iduanan
oku-no Dikau? ka.
Topot i sansara Dau
antad sid di ditokou.
Osian-ko o Tuhan,
tu gima osianan-ko dahai.
 
@Minatai-po i Yesus,
gumuzu i tana.
Hinumongkob-no banal
kavi i vinagun.
Iso-no ot abanal
sampai aso sala,
nga iosido minatai.
O Yesus, sianai-okoi-no.
 
@Mindamo-okoi Dikau,
o Tuhan-za Yesus.
Potulungo sid dahai 
i sundu t'susi,
supaya osuhut-za
i ralan sid Dikau,
amu-no aranggal-za
i kenginan do Kinoringan.


#43 
O Tuhan Yesus nunu i Sala-Nu
 
@O Tuhan Yesus, nunu i sala-Nu?
Om nunu-no-ka  i karaatan-Nu?
Tu nonong-ko di hukum dot avagat
do nakasangkap.
 
@Ino i sabap di kosusaan-Nu,
ioku diti om i kasalaan-ku
o minangaranggal di kovosihan
di Kinoringan.
 
@ I Tuhan minomurimon sakavi
dit ongosala di tokou riniba.
Topot natanggung tokou-no di Tuhan,
binanal tokou.
 
@O Raja ku di banalko agazo,
amu-oku milo do mongindazou
sampai monorima kaseh sid Dikau,
monuli Dikau.
 
@Ino-no o gama-ku mongindazou,
iduan-ku kavi i karaatan
sampai i kenginan do Kinoringan
o suhuton ku.



#44
I Raha di Tuhan Yesus
  
@I raha di Tuhan Yesus
nituntug sid tokou
ensanan tulun kisala
obuli ompunan
obuli ompunan
obuli ompunan
ensanan tulun kisala
obuli ompunan.

@I salib 't ulun 't araat
varo koompunan
minsan iadino salaku
obuli ompunan
Obuli ompunan
obuli ompunan
minsan iadino sala-ku
obuli ompunan.
 
@ O domba do Kinoringan,
soumul kikuasa
it ongoulun di mangasip,
najadi't osusi
najadi 't osusi,
najadi 't osusi
it ongoulun di mangasip
najadi 't osusi.
 
@Barkat di raha di Tuhan,
nemot-ku koviai
i habal-ku-ne samod-Nu,
sampai kapatazan
sampai kapatazan,
sampai kapatazan
i habal-ku-ne samod-Nu
sampai kapatazan.
 
@Minsan minatai-oku-no,
sid saralom lobong
Kakal-oku mongindazou,
di kuasa-Nu Tuhan
di kuasa-Nu Tuhan,
di kuasa-Nu Tuhan
kakal-oku mongindazou
di kuasa-Nu Tuhan.



#45 
I Tuhan Nakamanang-no 
 
@I Tuhan nakamanang-no
di kinapatazan.
Kiharapan tokou banal
dot apasi penlaid.
 
@Ongunsopot sokoviai,
ot ulun Kristian,
tu nogulian i Yesus
antad sid lobong Dau.
 
@ Monorima kasih tokou,
Yesus Tuhan tokou,
i minananggung antad sid
karaatan tokou.
 
@Mozo tokou-no di Tuhan
dot apasi penlaid,
om gunao tokou banal
iri Minananggung.
 
@Harapon i koposizan
dit atantu penlaid.
Natanus i karaatan,
tu i gima Tuhan.


#46 
Nensibak sid Lobong
 
@Nensibak sid lobong
i Minananggung,
monginud dit adau kogulianan.
Nogulian-ne Yesus
minonori di kapatazan
om minonori di kuasa do huntung,
nogulian-ne Tuhan Yesus Kristus ,
nogulian ne Tuhan,
haleluya, Tuhan-ku.
 
@Tinaud i lobong
di Minananggung.
Nga aso kokuasa di Tuhan-ku.
Nogulian-ne Yesus
minonori di kapatazan
om minonori di kuasa do huntung,
nogulian-ne Tuhan Yesus Kristus ,
nogulian ne Tuhan,
haleluya, Tuhan-ku.
 
@Nosukab i lobong
di Minananggung.
A-kotori i kuasa dot otuvong.
Nogulian-ne Yesus
minonori di kapatazan
om minonori di kuasa do huntung,
nogulian-ne Tuhan Yesus Kristus,
nogulian ne Tuhan,
haleluya, Tuhan-ku.


#47
Mongindazou okoi Dikau 
 
@Mongindazou okoi Dikau
O Kinoringan sid surga,
tu nogulian i Yesus.
Haleluya, haleluya, haleluya.

@Inot adau do kotolu
di hinumongkob sakavi
mimbulai i koposizan.
Haleluya, haleluya, haleluya.
 
@ Kada-kou-no korosi, ka
di malaikat sirid lobong.
Napasi i Tuhan tokou.
Haleluya, haleluya, haleluya.
 
@Tahakai-okoi, o Tuhan,
di koposizan-Nu vagu,
tu mangasip okoi Dikau.
Haleluya, haleluya, haleluya.
 
@Monorima kaseh-okoi,
O Tuhan Yesus, sid Dikau,
tu Ikau o harapan-za;
haleluya, haleluya, haleluya;
 
@Sampai mangarazou-okoi
di ngaran-Nu sampai penlaid,
ot Ama, Anak om Sundu
Haleluya, haleluya, haleluya.



#48 
Sumilau ogi it adau

@Sumilau ogi it adau
nogulian-ne Yesus.
Otomon tokou-no bo
tu nedu-no it otuvong,
haleluya, haleluya,
tu kianavau-no.
 
@Rontob tolu ma't adau
do sid lobong i Yesus.
Iri-pot adau kotolu
sinumukab-ne lobong,
haleluya, haleluya
sampai nakamanang.
 
@ O Raja-za dot akansang,
isai-ka i sumana
dit a-nu asaap banal?
Aso karaatan-za,
haleluya, haleluya,
dot a-nu edu-mai.
 
@Notori-no di Tuhan-za
i karaatan dahai
om pandus dahai sid Ama,
Kinoringan sid surga,
haleluya, haleluya,
ino-no it Ama.
 
@Nokokuro, tu oruol
it ongoginavo-za,
ong kakali i Tuhan-za
do manamodi dahai,
haleluya, haleluya,
sid kosianan Dau?
 
@Iosido-no o manahak
do koposizan dahai.
Ong matai-okoi-no diti
oviton-okoi-no Dau,
haleluya, haleluya,
sid valai't osinang.
 
@Om iri kovosihan Dau
ot otungkusan dahai.
Tu i kinogulianan Dau
o nitahak sid dahai,
haleluya, haleluya,
do kapasi penlaid.
 
@Antad sitid habal diri
koviai i riniba
monorima kaseh Dikau,
humormat di ngaran-Nu;
haleluya, haleluya,
di banalko osusi.



#49 
Kristus O Nogulian 
 
@Kristus o nogulian
antad sid kapatazan.
Otomon tokou koviai
gima i nakamanang Yesus Kristus.
Haleluya. Mongindazou tokou
do Kinoringan.
Otomon tokou koviai 
gima i nakamanang Yesus Kristus.
 
@Atanus tokou kavi
ong okon ko i Yesus.
Topot kalabus tokou-no
antad sid korosizan, tu kapasi.
Haleluya. Mongindazou tokou
do Kinoringan.
Otomon tokou koviai
gima i nakamanang Yesus Kristus.



#50 
Yesus Kristus Mangahatul
 
@Yesus Kristus mangahatul
do surga om i riniba
pentongkop no kuasa
sokoviai it ongoulun
sumamba kavi di Tuhan
om humormat di Tuhan.
 
@Yesus Kristus it origi
di piumpugan sakavi
dot ongoulun Kristian.
Iosido o mangalapas
d'tokou antad sid kuasa
do rogon om i sala.
 
@ Ot ongoulun kisala
patahako i ginavo
sid Tuhan Yesus Kristus.
Yesus pempit dit osusa.
Yesus pengkod dit oruol,
Yesus pada di sala.
 
@Pengarazou-kou di Tuhan
razou-kou di Kinoringan;
pongohormat di Yesus.
I Yesus i minananggung,
I Yesus i mangahatul,
I Yesus i manamod.
 
@Iokoi sumuhut do ralan
sid Kinoringan i Tuhan
sid Tuhan Yesus Kristus.
Kavi-avi i riniba
mongindazou di Tuhan-za,
Ama, Anak om Sundu.

#51 
Nokendakod-no sid surga
 
@Nokendakod-no sid surga, 
haleluya.
I Tuhan za Yesus Kristus, 
haleluya.
 
@Mogom-ogom i Tuhan za, 
haleluya
sid vanan do Kinoringan, 
haleluya.
 
@ Mongohukum di riniba, 
haleluya
om mangahatul-no dahai, 
haleluya.
 
@Pososizo okoi, Tuhan, 
haleluya
sid Ama dahai sid surga, 
haleluya.
 
@Sumasi-okoi-no Dikau, 
haleluya
sid ongoulun sokoviai, 
haleluya.

@Mangarazou-okoi Dikau, 
haleluya,
ot Ama, Anak om Sundu, 
haleluya.



#52 
Ot Ongoulun Unsopot tokou-no
 
@Ot ongoulun, unsopot tokou-no.
Tu i Sundu do Kinoringan
nakasampai sid tokou riniba,
tu mamasi om mangagazad
sid Kinoringan.

@O sundu, samod do Kinoringan.
Tudukai-okoi misasamod
om sid kosusaan nga mitutulung
do susuzan i gama di Tuhan Yesus.

@ O sundu, Ikau-no manganavau
di ginavo-za dit otuvong,
supaya mangasip okoi di Yesus
i pouli dahai sid valai do Kinoringan.



#53 
Boros do Kinoringan 
 
@Boros do Kinoringan
mangahatul di tokou.
Mongodim di riniba
sid karajaan Yesus.
 
@Boros do kikuasa
minongurug dit avan,
sokoviai i suvang
sid pomogunan.
 
@ Boros do kovosihan
mananggung di riniba
monuhu dit ongoulun
humarap di Mananggung
 
@Boros di Tuhan tokou
pedu do karaatan
monuduk-ma ditokou
lumabus sid araat.
 
@Boros di kiharapan
momihot di ginavo,
tu monginud tokou
di Tuhan Yesus Kristus.


#54 
O Tuhan Yesus sid Surga
 
@O Tuhan Yesus sid surga
mongohormat okoi Dikau
Tu Ikau o mangahatul
dahai sitid pomogunan.
 
@Mangasip-okoi sid Dikau
o Kinoringan Ama-za.
Ikau Raja dot asavat,
keso sid sompomogunan.
 
@ Iokoi diti sid osusa.
Ulun vokon monguasa.
Nokuro ioti akansang?
Amu naku ohukuman?
 
@Agazo pensubaan-za
Ioti dara suhuton-za
Topot Ikau i Raja-za
i hormat om i kuasa.
 
@Sid tanga do kosusaan
i boros Nu hondomon-ku.
Bang kodimon-oku Dikau,
tantu monulung-oku-no.
 
@Mondamo-okoi, o Tuhan:
I Sundu-Nu o pasasi,
Supaya kobulun-okoi,
a-rumosi di riniba.
 
@Minud-okoi Dikau, Kristus
di korikatan-Nu vagu
Sid saralom di pangkat-Nu
i hormat om i kuasa.


#55 
O Vinangun Sokoviai
 
@O vinangun sokoviai
mongindazou om humormat
di Tuhan-za dot osusi.
Nokorikot sid riniba
i Sundu do Kinoringan.
Haleluya, haleluya.
Pentorono-no sid dahai
i sundu-Nu.
 
@O Tuhan tahakai-okoi
di Sundu-Nu dot osusi.
Tulungai-no, susio-no,
supaya osusi-okoi
om ajadi dit Anak-Nu.
Pentorono-no sid dahai 
i sundu-Nu dot osusi
o Tuhan-za.
 
@ O sundu do Kinoringan,
pakansango-ne samod-Nu
sitid dahai ulun Kristian.
Tu iokoi nga manamodi
do Kinoringan om ulun.
Sokoviai i riniba
adau sodop nga otomon,
O Tuhan-za.
 
@O sundu, jodizo-okoi
do koruhang di Tuhan-za.
Imvoguvai i ginavo.
Tu iokoi kovi-oviai
rumikot kavi sid Tuhan.
Maza okoi di ralan-Nu,
tu sumamung okoi kavi
di Tuhan-za.



#56 
Kinoringan Manaud Dohon

@Kinoringan manaud dohon
aso not ihimon
sampai niatod oku Dau
sid vaig do oliou.
 
@Manjadi nempanggalan Dau
i koposizan-ku
om inovit oku-no Dau
sid ralan't abanal.
 
@ Bang manau-panau-oku-no
sid tanga do rondom,
a-no rumosi oku, tu
kovozo-ko dohon.
 
@Ikau-no o mangahatul
popiandus dot ulun.
Osukup i panahak-Nu,
ogumu i laba.
 
@I kovosihan di Tuhan
om kosianan Dau
mozo-vozo suvab-suvab,
tu monunda dohon.
 
@Mintoron-oku-ma diti
dot otomon banal
sid valai do Kinoringan
sampai salaid-laid.


#57 
I Tuhan Yesus
 
@I Tuhan Yesus
o minananggung
di tokou kavi riniba.
Suhuto tokou 
gunao tokou
i kovosihan di Yesus.
 
@I koimatan
di burul om napu
banal no-ko avantang mai.
Topot i Yesus
lobipo avantang
i koimatan tokou Dau.
 
@ Adau om vulan
om korimbutuon
avantang mai i kanavau.
Topot i Yesus
lobi-po anavau
iadko kanavau do Surga.
 
@It ongovusak
Om it ongoulun
Avantang mai i sumurut
Topot tumanus
I vusak om ulun
Topot Yesus o kapasi
 
@I sokoviai
it avan om tana
a' katalib di Tuhan-za.
I Tuhan Yesus
banalko keso
di tokou kovi-oviai.


#58 
Isai nopo mangasip Dohon 
 
@Isai nopo mangasip dohon,
minsanko minatai-no i guvas dau,
kakali dot apasi penlaid,
ka di Yesus.


#59 
Nemot ku-no i kosianan 
 
@Nemot ku-no i kosianan
di Tuhan i Minananggung.
I kogumuan di salaku
nokedu-no sokoviai
Mongindazou oku-no bo
di kosianan di Tuhan.
 
@Bang i Kinoringan mongitung
dit ongokasalaan-ku,
tantu peduon oku-no Dau
antad sid puun do kapasi.
Topot i Tuhan monian
dit ongulun do kisala.
 
@ Bang varot ulun mongoduat,
Siombo i puun do kapasi?
Ino-no it itimpa ku dau,
sid kosianan di Tuhan.
Ituduk-ku sokoviai
i kosianan di Tuhan.
 
@O Tuhan, kada-no onuvo
i barkat-Nu sitid dohon,
inoi nga gazado-oku
sid valai-Nu dot osinang
sori-oku mongindazou
si samod om kosianan.



#60 
Otomon i ginavo-za 
 
@Otomon i ginavo-za
tu katalib-no it otuvong.
I  Kinoringan it Ama
tantu amu engkod monulung.
Monorima kaseh okoi,
tu akansang okoi vagu
posurut di gamaon-za.
 
@Ikau-no o minanahak
di koposizan sid riniba.
Humigak kavi i vinangun,
Ong korikot-no it anavau.
Aso vokon do harapan.
Tu iso-no o kapasi,
i Tuhan i nakamanang.
 
@ Ot Ama dahai sid surga,
pohorotizo-okoi kavi
di gama di Tuhan Yesus
do mamasi dahai penlaid,
supaya mangasip-okoi
sampai kosuhut-okoi-no
di kenginan di Tuhan-za.
 
@Barkatai-net ongoongkob,
tulungai-no i minisavo,
supaya sompi tumatap
do mongohondom di boros-Nu.
Hoturo-no it anganak
dot avantang i gama dau.
Timungo-okoi sid Dikau.



#61 
Minsomok Oku-no
 
@Minsomok oku-no sid Tuhan-ku,
I sangkap di Tuhan nga boboon-ku.
Engin oku banal minsomok oku-no,
minsomok oku-no sid Tuhan-ku.
 
@Kisala i Yakub sirid Baitil
Minangakal dit ama om obpinai,
na minangakun-no minsomok-ko sid Dau.
Tuhan, pensomoko-oku sid Dikau.
 
@ Pemoto oku-no di ralan-ku.
Tahakai-oku di kovosihan-Nu
Nokodim oku-no. Minsomok oku-no,
minsomok oku-no sid Tuhan-ku.
 
@Mongindazou-oku di Tuhan-ku
om sumamba-oku-no Tuhan ku.
Sid kosusaan-ku minsomok oku-no.
Minsomok-oku-no sid Tuhan-ku.
 
@Ong kendakod-oku sorid surga
kasanganu-oku do kohigakan.
Kakal longozon-ku: Minsomok-oku-no,
minsomok-oku-no sid Tuhan-ku.


#62 
Otomon i ginavo ku 
 
@Otomon i ginavo-ku,
tu i boros-Nu, Tuhan
harapon-ku ino janji
dot kapasi ko dohon.
I Yesus o harapon-ku
puun di koposizan
I Yesus Tuhan 'tavasih
manahak do kapasi.
 
@Otomon-ne purimon-ku
di kuasa di raha-Nu.
Nakada-no i sala-ku,
tu i kosianan-Nu.
I Yesus o harapon-ku
puun di koposizan
I Yesus Tuhan 'tavasih
manahak do kapasi.
 
@ Ounsopot-oku-no biano
tu nosusi-oku-no.
Ikau-no i minananggung
o Yesus it avanus.
I Yesus o harapon-ku
puun di koposizan
I Yesus Tuhan 'tavasih
manahak do kapasi.
 
@Higak-no, o ginavo-ku,
tu i kosianan Dau.
O Tuhan, tundao-oku
sid ralan dot abanal.
I Yesus o harapon-ku
puun di koposizan
I Yesus Tuhan 'tavasih
manahak do kapasi.



#63 
I Kinoringan Manamod
 
@I Kinoringan manamod
kavi i riniba.
Sampai tinahakan-no Dau
dit Anak Dau Yesus,
dit Anak Dau Yesus.
 
@Ipat-ipat it ongulun
di kasip sid Tuhan
amu-no kosuvang vagu
sid kobinasaan,
sid kobinasaan.
 
@ Inoi nga kasanganu-no
di koposizan
dit a-no tumanus vagu,
i koposizan Dau,
i koposizan Dau.
 
@I samod do Kinoringan
nirikot sid tokou.
I tokou nga manamodi
sumuhut di Tuhan,
sumuhut di Tuhan.



#64 
Ot Ama dot Osusi
 
@Ot Ama dot Osusi
sid saralom dot surga.
Mongolikup-ko dahai
Sid tanga kosusaan.
Ikau i o mamasi
Tulungai okoi Tuhan.
 
@Iokoi diti sumuhut
di kenginan-Nu Tuhan.
Amu-okoi akansang,
Rontob Ikau harapan.
I raha dot osusi
o mangalapas dahai.



#65 
I Kinoringan banal manamod 
 
@I Kinoringan banal manamod
soumul mongolikup-ko dohon.
Momoros oku po,
I Kinoringan manamod
dohon sampai penlaid.
 
@I Kinoringan minanahak-no
dinot Anak Dau Yesus Kristus.
Momoros oku po,
I Kinoringan manamod
dohon sampai penlaid.
 
@ I Tuhan Yesus dot aso sala
minangapus-no di sala-ku.
Momoros oku po,
I Kinoringan manamod
dohon sampai penlaid.
 
@I ginavo-ku ohigak banal,
tu nakanu do kabanaran.
Momoros oku po,
I Kinoringan manamod
dohon sampai penlaid.
 
@Sumasi oku di ngaran d'Tuhan
sid ongoulun sokoviai.
Momoros oku po,
I Kinoringan manamod
dohon sampai penlaid.
 
@Humarap oku sampai monginud
di korikatan di Tuhan ku.
Momoros oku po,
I Kinoringan manamod
dohon sampai penlaid.



#66 
Kasip oku sid Kinoringan
 
@Kasip oku sid Kinoringan,
tu Iosido-no i manaud dohon.
Iosido-no i monginsasamod
dit ongulun di mogihad.
Aso-no vokon dot ihimon-ku
do katalib di kuasa Dau,
aso katalib di samod Dau.
 
@Kasip-oku sid Kinoringan,
tu iosido-no i potomon dohon.
Enavahan i ginavo 't otuvong,
empanggalan it orukung.
Aso-no vokon dot ihimon-ku
do katalib di kuasa Dau,
aso katalib di samod Dau.
 
@ Kasip-oku sid Kinoringan,
tu iosido-no i monulung dohon
di hiza di sid kosusaan-oku.
Iosido o harapan-ku.
Aso-no vokon dot ihimon-ku
do katalib di kuasa Dau,
aso katalib di samod Dau.
 
@Kasip-oku sid Kinoringan
sampai it Anak Dau i Tuhan
om i Sundu Dau dit Osusi
o riumikot do mamasi.
Aso-no vokon dot ihimon-ku
do katalib di kuasa Dau,
aso katalib di samod Dau.



#67 
I Yesus Koruhang tokou
  
@I Yesus koruhang tokou,
i monulung di tokou.
Barkatan-no Dau i gama
minta dua sid Tuhan.
Ogumu o kosusaan,
ogumu kolunguzan.
Tu amu-po novit tokou,
sokoviai sid Tuhan.
 
@Hiza do kipensubaan
antava kosusaan,
kadan-no kumobimpitan,
pinta dua sid Tuhan.
Aso katalib di samod
di Tuhan Kinoringan.
Elaan kavi di Tuhan
i kosusaan tokou.
 
@ Ong opogos do sansara
osusa i ginavo
i Yesus-no i monulung
pinta dua-no sid Dau.
Minsanko iseso-ko-po
kadan-ko-no rumosi.
I Tuhan pohigak Dikau
om mongolikup Dikau.



#68 
Ong mozo di Tuhan
 
@Ong mozo di Tuhan,
di boros 'tanavau
atarang ogi i vazaan
ong pahabal tokou.
Tundaon tokou Dau
ong kasip tokou om sumuhut.
Mangasip om sumuhut di Tuhan.
Ino-no i vazaan, di kohigak banal.
 
@Edu-no't otuvong,
i kavut sid avan
atatau-no dit ompiling Dau.
I koindorosi,
nga natanus kavi
ong kasip tokou om sumuhut.
Mangasip om sumuhut di Tuhan.
Ino-no i vazaan, di kohigak banal.
 
@ It ongokosusa,
nga atanus kavi:
suulan-no Dau i nopogos.
It ongokolungui,
nga atanus kavi
ong kasip tokou om sumuhut.
Mangasip om sumuhut di Tuhan.
Ino-no i vazaan, di kohigak banal.
 
@Elaan tokou-no,
i samod di Tuhan.
Ong soumul sumamba tokou Dau,
kotorima tokou
di kovosihan Dau,
ong kasip tokou om sumuhut.
Mangasip om sumuhut di Tuhan.
Ino-no i vazaan, di kohigak banal.



#69 
Ododos iti rahat
 
@Ododos iti rahat
orondom pet avan.
Osodu i sid tindal
asamung-ne barat.
Iso-no o monulung
do pozom diti rahat
I Tuhan-za.
O Tuhan rikot-no.
 
@Norinding do mituvong
i korimbutuon.
Isai-ka o monulung,
ong ouza i alud?
Kada kou-no korosi
Iso-no ot iningon,
i Tuhan-za.
O Tuhan, rikot-no.
 
@ Lazagai-no koduruk
tu kiharapani.
I kuasa di Tuhan
mamasi di tokou.
Razou-kou-no di Tuhan
i pinozom di barat.
I gumbang nga
kosuhut di boros Dau.



#70 
I Samod do Kinoringan
 
@I samod do Kinoringan,
pensodu do karaatan,
kemot tokou, kabanaran,
kedu it araat:
Haleluya, haleluya,
nakamanang tokou-no:
Haleluya, haleluya,
Tu kikoposizan-no.
 
@I samod do Kinoringan
pinorikot dit anavau,
pinedu do korosizan
om i kapatazan.
Haleluya, haleluya,
nakamanang tokou-no:
Haleluya, haleluya,
Tu kikoposizan-no.
 
@ I samod do Kinoringan
manahak do kakansangan,
sumaap do pensubaan
om i kolunguzan.
Haleluya, haleluya,
nakamanang tokou-no:
Haleluya, haleluya,
Tu kikoposizan-no.



#71 
Mangasip Oku
 
@Mangasip oku dot
inantakan oku sirid sangkap.
Iningo oku, ong minta dua oku.
Jodizo oku-no dot anak-Nu.
 
@Pokosogo-oku
sid kovosihan-Nu om posioho!
Ikau-no minatai gima i sala-ku.
Sid Dikau-no Tuhan sambaon-ku.
 
@ Sid kosusaan-ku
ko sid kolunguzan gazado oku.
Peduo-ne lungui-ku pohigako-oku
Patatapo oku sid ralan-Nu.
 
@Tigogi korikot
i kahangkaban-ku sid ginavo.
Ikau-ne monulung pedu di rosi-ku.
Ovito-oku-no sorid surga.



#72 
Boros di Yesus sirid otuvong
 
@Boros di Yesus sirid otuvong
Jumadi tokou-no di panganavau.
Kuasa di Tuhan kiompiling-no.
Rumikot tokou-no sid somok Dau.
 
@Boros di Yesus patatap dohon.
Mangasip tokou-no di kuasa Dau.
Minsanko otuvong nga enavahan.
Rumikot tokou-no sid somok Dau.
 
@ Yesus poimot sirid otuvong:
Sala di riniba osusa banal.
Topot ong sumuhut nga enavahan.
Rumikot tokou-no sid somok Dau.


#73 
Nokorikot-kou-no ka sid di Yesus
 
@Nokorikot-kou-no ka sid di Yesus,
tu mokiada do kasalaan?
Nensanan-no ka i ginavo dikou
kasip di kuasa di raha Dau?
I raha di Tuhan
i mangada di sala dikou.
Nosusi no ka i ginavo dikou
di kuasa di raha di Yesus.
 
@I Tuhan-no ka o vozoon dikou
tu mokiada do kasalaan.
A-ka ozi kou dot ounsopot kavi,
tu i kuasa di Tuhan Yesus?
I raha di Tuhan
i mangada di sala dikou.
Nosusi no ka i ginavo dikou
di kuasa di raha di Yesus.
 
@ Nosusi-no ka i ginavo dikou,
tu i raha di Tuhan Yesus?
Tumorima-kou-no ka i kuasa Dau,
i kuasa di raha di Tuhan?
I raha di Tuhan
i mangada di sala dikou.
Nosusi no ka i ginavo dikou
di kuasa di raha di Yesus.
 
@Pogidu-kou-no antad sid vazaan,
i noponu do kasalaan.
Pokiada-kou-no do kasalaan
sid kuasa di raha di Tuhan.
I raha di Tuhan
i mangada di sala dikou.
Nosusi no ka i ginavo dikou
di kuasa di raha di Yesus.



#74 
I dolou-Nu Tuhan
 
@I dolou-Nu Tuhan o mongodim dohon
Biano rumikot oku. Susio oku-no.
Rumikot oku sid Dikau Tuhan
Sianai oku Tuhan. Pada di sala-ku.
 
@Sid Dikau-no Tuhan o puun do harapan.
I ginavo dit orukung nga nempanggalan-Nu
Rumikot oku sid Dikau Tuhan
Sianai oku Tuhan. Pada di sala-ku.
 
@ Mongodim i Yesus do povozo sid Dau.
Manahak do koposizan om kounsapatan
Rumikot oku sid Dikau Tuhan
Sianai oku Tuhan. Pada di sala-ku.
 
@I Tuhan Yesus-no o mamasi dohon.
I samod Dau dit agazo o mamasi dohon.
Rumikot oku sid Dikau Tuhan
Sianai oku Tuhan. Pada di sala-ku.


#75 
Hondomo i Tuhan Yesus 
 
@Hondomo i Tuhan Yesus,
ot ulun di nopogos
tu kikuasa i ngaran Dau
Pedu di kapagasan.
Hondomo i ngaran
di Tuhan Yesus Kristus,
Tuhan dot asavat,
Mananggung riniba.
 
@I ngaran di Tuhan Yesus
kolig sid pensubaan.
Sid tanga do pensubaan
pinta dua sid Tuhan
Hondomo i ngaran
di Tuhan Yesus Kristus,
Tuhan dot asavat,
Mananggung riniba.
 
@ I ngaran di Tuhan Yesus
kohigak do ginavo.
Pongindazou-no di Tuhan
it asamod sid Dikau.
Hondomo i ngaran
di Tuhan Yesus Kristus,
Tuhan dot asavat,
Mananggung riniba.
 
@Sumamba tokou-no kavi
di ngaran dot osusi.
Hormato tokou i Tuhan.
Raja di sokoviai.
Hondomo i ngaran
di Tuhan Yesus Kristus,
Tuhan dot asavat,
Mananggung riniba.


#76 
Mangakun-oku-no Tuhan 
 
@Mangakun-oku-no, Tuhan
di kodim-Nu dohon.
Intoron-no sid dohon,
koruhango oku.
Aso't ikorosi-ku
ong sid somok oku
sid Dikau o Tuhan-ku.
A-no apalid oku.
 
@Mintoron-no sid dohon
o Yesus, Tuhan-ku
supaya a-kobozo
oku dit araat.
Minsan ogumu banal
o monunda dohon.
Ong Yesus mozo-vozo
tumalib koviai.
 
@ Pohorotizo-oku
di dolou-Nu, Tuhan.
Supaya otori-ku
i pensubaan-ku.
Tuhan, gazado-oku
supaya amu-ku
olingan i boros-Nu
di mangapad dohon.
 
@Noboros-no di Tuhan:
Mozo-vozo oku
Dikau do suvab-suvab
sampai sid kovian.
Mambat-oku di janji
dot amu tumagak
antad sid Yesus Kristus,
i Tuhan-ku penlaid.



#77
Aso Harapan-ku vokon
  
@Aso harapan-ku vokon,
bai humarap Dikau Tuhan,
tu minongontok-ko dohon.
Rumikot-oku sid Dikau.
 
@I sala-ku nohugus-no
di raha-Nu di nokouza,
tu minongontok-ko dohon.
Rumikot-oku sid Dikau.
 
@ Sid ongokosusaan-ku
Ikau i kempanggalan-ku,
tu minongontok-ko dohon.
Rumikot-oku sid Dikau.
 
@I gulu napalid-oku.
Ikau pinemumui dohon,
tu minongontok-ko dohon.
Rumikot-oku sid Dikau.
 
@Tuhan, torimao-oku
padao-no i sala-ku,
tu minongontok-ko dohon.
Rumikot-oku sid Dikau.
 
@Tulungai-oku-no, Tuhan,
tumorima di kapasi,
tu minongontok-ko dohon.
Rumikot-oku sid Dikau.


#78 
O Yesus sianai oku
 
@O Yesus sianai-oku.
Iningo oku do
mindamo oku Dikau,
tulungai oku
Yesus, Yesus iningo oku.
Kada-oku-no polingai
barkatai oku.
 
@Sumamba-oku sid Dikau:
Iningo oku.
Ikau-no i harapan-ku,
 tulungai-oku.
Yesus, Yesus iningo oku.
Kada-oku-no polingai
barkatai oku.
 
@ Sakavi i kohigakan
antad sid Dikau:
Ikau-no i harapan-ku,
tulungai-oku.
Yesus, Yesus iningo oku.
Kada-oku-no polingai
barkatai oku.
 
@Yesus, Ikau-no keso
do harapan-ku.
Kada-oku-no polingai
sampai sid penlaid.
Yesus, Yesus iningo oku.
Kada-oku-no polingai
barkatai oku.


#79 
Tuhan Ama do riniba
 
@Tuhan Ama do riniba
sianai okoi-no,
patahako-no sid dahai
i ginavo dit osusi,
di humormat Dikau.
 
@Posuntuo-ne gama-za
mangasip sid Dikau
do iadko i koruhang-Nu
di gulu o nokodim-Nu,
tu minizo Dikau.
 
@ Sid rahat dit aso't uni,
sid burul dit ozom
sino-no i Tuhan Yesus,
tu minta dua sid Ama
noponu dot samod.
 
@Tonuso-no i hongkob-za
sampai i rosi-za.
Jodizo i kondiri-za
do pembulai di samod-Nu
di banalko avantang.
 
@Iri ogi kopurimon
okoi do kuasa-Nu
Patahako-no sid dahai
i ginavo dit osusi
di humormat Dikau.



#80 
Tulungai-okoi o Tuhan
 
@Tulungai-okoi, o Tuhan,
polombus di habal-Nu.
Sabap i kovosihan-Nu
potomon di ginavo.
Tudukai net uripon-Nu.
I dolou-za mungkolu.
Mongindazou okoi Dikau,
i samod dot agazo
 
@Mongohondom-okoi Dikau
tu i kotulungan-Nu
sid tanga do kosusaan,
gima kisala-okoi.
Topot penlaid apasi, tu
pitataud okoi Dikau.
I Tuhan o Minananggung
do banalko opogos.
 
@ Iokoi banalko kisala
sid Dikau o Mananggung.
Amu-okoi obinsuhut
di kenginan-Nu, Tuhan.
Mokitulung-okoi Dikau,
O Yesus, Raja dahai.
Itahak-za-no koviai
i guvas om ginavo.



#81 
Ot Ongoulun Kristian
 
@Ot ongoulun Kristian,
mingkakat tokou-no.
Mozo di Tuhan Yesus 
i Raja do surga.
I Tuhan o monunda 
hiza dit osusa.
Otori kavi i sangod,
tu kuasa di Yesus.
 
@Ot ongoulun Kristian,
mingkakat tokou-no.
Sumaap dit araat,
punsoon o sangod.
Pembulazo-no biano
i kakansango-Nu.
Sumaap't di pensubaan,
sampai otori-Nu.
 
@ Ot ongoulun Kristian,
mingkakat tokou-no.
Sid saralom do kuasa,
i kuasa di Yesus.
I boros dot osusi
o harapan tokou,
om tumatap tokou-no,
minta dua tokou.
 
@Ot ongoulun Kristian
mingkakat tokou-no
sumaap di pensubaan,
kadan mokipalid.
Ong a-napalid tokou,
kasanganu tokou di
samod om kohormatan
di Kristus i Tuhan.




#82 
Iso no kopihatan
 
@Iso-no kopihatan.
Yesus Kristus i Tuhan.
I raha di Tuhan-ku
mangapus di sala-ku.
Notori di kuasa Dau,
it ongosala tokou.
 
@Aso harapan banal
ong i longon kondiri.
A-elaan i vazaan,
i hoturan di Tuhan.
Topot i Tuhan Yesus
o minanapul dohon.
 
@ Ong mongitung-oku-no
dino kasalaan-ku,
sumusa i ginavo
sampai aso harapan.
Topot i Tuhan Yesus
o manapul di tokou.
 
@Ong matai-oku diti
mad humigak-oku-no.
Emot-ku-no i Tuhan
om kavi i harapan.
A-kotongkizad-oku
di Yesus, i Tuhan-ku.



#83 
I Tuhan o mozo-vozo 
 
@I Tuhan o mozo-vozo
sid sionggo-oku-nopo.
I Tuhan o harapan-ku
minsan sid kosusaan
minsan ko sid kapagasan.
I Tuhan o harapan 
manahak do kosinangan.
Sampai i kounsapatan 
manahak do kosinangan,
sampai i kounsapatan.
 
@I Tuhan o mozo-vozo
sid sionggo-oku-nopo.
Tahakan-oku di Tuhan
do samod om kosianan.
Poidu di kosusaan,
pedu di kolunguzan.
I Yesus-no i harapan
puun do kounsapatan.
I Yesus-no i harapan
puun do kounsapatan.
 
@ I Tuhan o mozo-vozo
sid sionggo-oku-nopo.
I samod Dau dit agazo
kotomon di ginavo.
Iningon-no di Tuhan i
pomintaan dua-ku.
Biano longozon ku no
i samod dot agazo.
Biano longozon ku no
i samod dot agazo.



#84 
Onom 't adau nakatalib 
 
@Onom 't adau nakatalib
it adau biano osusi.
Mongindazou tokou banal
di Kinoringan sid surga.
 
@Hondomo tokou i Tuhan,
i minananggung di tokou.
Notori Dau sokoviai
i kuasa dot araat.
 
@ Hinugus Dau sokoviai
i sala tokou riniba.
Nitahak Dau sid di tokou
i tanda do kosusian.
 
@I raha Dau nokouza
bahagi tokou riniba,
tu minomihot iosido
di janji do koposizan.
 
@Minsanko sid kosusaan
sid tanga do korosizan
kakal tokou pitataud,
tu potomon di ginavo.
 
@Monorima kasih tokou
sid Yesus Kristus i Tuhan.
Tu poulion tokou-no
sid valai Dau dot osinang.



#85 
Gazado okoi Tuhan
 
@Gazado okoi, Tuhan,
do sumuhut di kenginan-Nu.
Tudukai okoi banal
do sasi okoi Dikau.


#86 
Yesus Kritus Tuhan Tokou
 
@Yesus Kristus Tuhan tokou.
ino-no o nakamanang
om mangahatul biano
sampai penlaid Amin.
 
@Ong kopongohukuman-no
aladtak kavi di Yesus.
Mamangakun-no ioti
om sumasi dot:
 
@ Yesus Kristus Tuhan tokou.
ino-no o nakamanang
om mangahatul biano
sampai penlaid Amin.


#87 
Adau darun barat om kavut
 
@Adau darun barat om kavut
vulan om korimbutuon
malaikat do Kinoringan
Inurug kavi Kinoringan
 

#88
Kosilahon om Kotonobon 
 
@Kosilahon om kotonobon
mongindazou di Tuhan-za.
O Tuhan barkatai okoi-no.
Tahakai okoi kapasi.
 
@Noumpug-okoi di sodop diti
monorima kasih Dikau.
Sabap Ikau minongolikup
dahai sampai nasadapan.
 
@ Mindamo-okoi-no, o Tuhan,
di kaadaan do sala
dit ongokasalaan dahai
di nongogama-za diri.
 
@Mokitulung-okoi, o Tuhan,
om it ongokoruhang-za.
O Tuhan ensanan sid Dikau
edu i kosusaan-za.
 
@Momongodop-okoi-no biano;
o Tuhan, toudo-okoi.
Likupai-okoi sodop diti
pensoduo i karaatan.



#89 
Intoron sid dohon o Tuhan-ku
 
@Intoron sid dohon o Tuhan-ku
Kada kilombus tu sumodop-no.
Aso monulung rontob Ikau-no.
O Tuhan, intoron-no sid dohon.
 
@I sukud-ku alangkas humino,
hormat di ngaran-ku tumanus-no.
Sumimban-no iti pomogunan
it a-sumimban, mintoron siti
 
@ Toudo-oku do monikid jaham
aso monulung sid pensubaan,
ong okonko Ikau, o Tuhan-ku,
sodop adau mintoron sid dohon.
 
@Aso-not ikorosi po vagu.
Aso-not oruol di ginavo,
tu i kinumuasa do huntung
nga natanus-no bo di Tuhan-ku.
 
@Tahakai-oku dit ompiling-Nu.
Monuduk kumaa sid surga-Nu.
Gazado-oku-no sid ralan-Nu.
O Tuhan, tatap mintoron siti.


#90 
Nokosilau-no it adau 
 
@Nokosilau-no it adau
kavi it avan anavau.
Indozohon-za i Tuhan,
tu aso kinosusaan.
 
@O Tuhan Yesus toudo
okoi dit adau biano.
A-ogi kahajang-okoi
do sala om karaatan.
 
@ Posuruto i gama-za
dot okonko porosuma.
Emot-za i kosukupan,
kiguna i pamanahan.
 
@Kada poolingai dahai
dot iokoi anganak-Nu
sampai i samod-Nu Tuhan
apatut dahai sulian.



#91
Sodop biano modop okoi
  
@Sodop biano modop-okoi.
Likupai okoi Tuhan.
I koruhang dit osusa
tulungai Tuhan.
 
@Mongidazou-okoi Dikau,
tu i kovosihan-Nu
mozo-vozo dahai biano
sampai i barkat.
 
@ Bang kivaro sala dahai,
padao-no o, Tuhan.
Tu Ikau-no o minatai
bahagi dahai.
 
@Insasamadai okoi-no,
o Tuhan Yesus Kristus.
Tu Ikau-no nogulian,
kapasi penlaid.
 
@Gazado-okoi-no, Tuhan,
sid ralan dot abanal
sampai korikot sakavi
sid Dikau Tuhan.


#92 
Mongindazou kou 
 
@Mongindazou kou,
ot ongulun Kristian,
di ngaran di banalko ki kuasa.
Alanut om ogumu o kovosihan
do Kinoringan.
 
@Tinaud okoi Dikau
di kosodop
Dot a-nonong-okoi do kosusaan
tinahakan-okoi do kounsapatan
di Kinoringan
 
@ Tahakai okoi
o Tuhan't avasih
dit 't adau biano do ralan-za
dit oluvas om atantu o gama-za.
o Kinoringan.
 
@O Tuhan dahai,
umbosihai-okoi
hoturo-no it ongokoposizan.
Tundao-okoi om gazado-okoi-no
sid Kinoringan



#93 
Suvab-suvab nga mimbulai 
 
@Suvab-suvab nga mimbulai
I kovosihan di Tuhan
asadapan asot engkod
inono i harapan tokou.
 
@O Kinoringan sid surga
pembulazo-no i samod-Nu.
Panavau di ginavo-za
om vosiho-okoi sid ngaran-Nu.
 
@ Peduo-okoi sid karaatan.
Tundao-okoi di samod-Nu.
Poidu sid kasanaan.
Pezoo-okoi sid kosianan-Nu.
 
@Papanaho-okoi kumaa
sid ralan ponong sid surga.
Tu kasip-okoi sid Dikau
om sumuhut-okoi sodop adau.


#94 
Kada Kilombus
 
@Kada kilombusoi,
intoron no sid dahai,
tu sumodop neti, o Tuhan.


#95 
Nakatalib i sodop

@Nakatalib i sodop
om sasarap-no biano.
Noposik-no koviai
akansang-no gumama.
I Tuhan mongolikup kosodop.
 
@Iokoi sumamba Dikau
ot Ama dahai sid surga.
Iokoi humormat Dikau
o Tuhan-za di monulung.
Tahakai-onoi-nobo
di barkat.
 
@ Barkatai-no i valai
barkatai i kakanan-za.
Barkatai i panahon,
barkatai i gamaon-za
Barkatai-okoi-nobo biano.
 
@O Tuhan Yesus Kristus
pemoto-okoi-di ralan
i banalko avasih.
Potuduko i vazaan
supaya kovozo-okoi
sid penlaid.



#96
Kinoringan sid Syurga
  
@I Kinoringan sid surga
mamarakat di gamaon-za.
Monulung di kinotimpuunan,
mangapad dahai
sid ralan dit otulid.
 
@Bang okonko Kinoringan
mozo-vozo suvab-suvab,
tantu apalid tokou-no,
tantu aso kosurutan
sid di tokou.
 
@ Ino-no ot elaan-ku;
Mintoronko mibo-oku
mamanau ko gumama-no,
sodop adau humarap sid
Kinoringan.



#97 
O Tuhan Yesus Ikau-no
 
@O Tuhan Yesus, Ikau-no
panganavau di ginavo
ong minsomok oku Dikau,
ohigak-no i purimon-ku.
 
@I hiza di modop-oku
sid Dikau o harapan-ku
Ikau-no o mongolikup
om manahak do kosinangan.
 
@ Toudo oku-no, Tuhan,
om intoron-no sid dohon.
Ioku diti humarap-no
di kuasa om kosianan-Nu.
 
@Barkatai-oku-no, Tuhan,
peduo i pensubaan
supaya atatap oku
mozo-no Dikau sampai penlaid.
 
@Ya matahari jiwaku
Tidak glap bila kau dekat.
Engkau dari pandangan ku
jangan dunia sembunyikan.


#98
I Tuhan Yesus Kristus 
 
@I Tuhan Yesus Kristus
popiizo di tokou
nengkod-no i piodu
antad sid gama Dau.
Amu tokou osusa 
do moki ngaran po.
Ino-no it o hormat,
i kasip sid Tuhan.
 
@It ongovalai tokou
koluu-no di raan
dot i Tuhan kondiri
najadi-no do puun.
I sundu Dau i vonod,
i pembulai do roun,
om iri-ogit't uva
sid kohormatan Dau.



#99 
Jodizo okoi-no
 
@Jodizo okoi-no, o Kinoringan
do panganavau om asin do pomogunan.
Ponuo i ginavo
di kovosihan om samod-Nu.
Tahakai-okoi-no do kopioondusan.
Haleluya, haleluya.
Amin, amin.



#100 
Berkatai no Tuhan
 
@Berkatai no Tuhan,
i piniizaan,
sid saralom di samod-Nu,
sitid pomogunan.
 
@Ikau-no o Tuhan
o pangaharapan.
I kosinangan om samod
o monunda dahai.
 
@ Tudukai-okoi di
 vaza misasamod
om vaza mitatabang
sid gamaon dahai.
 
@Ong kopitongkizad
om olungui-okoi
popiizo-no di ginavo
sampai kopisamung.


#101 
Nokorikot-no didino
 
@Nokorikot-no didino,
it ontok kamatan.
Agazo-no i ginavo
tu kikoposizan.
 
@Nabarkatan-no di Tuhan
i tagad om ranau.
Adau darun tinumabang
Pembulai di barkat.
 
@ Asadapan minongomot
umasan i guvas
ahatul i kokotuai
om varo kovian.
 
@O Tuhan antad sid Dikau
kavi it akanon
Ikau-dino o harapan
Ikau o manahak.
 
@Sabap ino monorima
kasih-okoi Dikau
tu noponu i palad-za
do kovosihan-Nu.


#102 
O Vinangun pongindazou-no
 
@O vinangun pongindazou-no po
di Kinoringan di banalko avasih.
Sampai i tokou kavi miaambat i.


#103 
Ontok didino apatut
 
@Ontok didino apatut
dot otomon tokou-no
om monorima kasih.
Minongohondom i Tuhan
di kosusaan tokou
pembulai do katagan.
Tomon-kou, otongobpinai,
tu i samod nokembulai.
Higak-kou ot ongoulun
tu i Yesus o monulung.
 
@Imatai, o ginavo-ku
i Mananggung rumikot,
mongoruhun di tokou.
Nokosino nga opogos,
i minatai iosido,
minonobus di tokou.
Tomon-kou, otongobpinai,
tu i samod nokembulai.
Higak-kou ot ongoulun
tu i Yesus o monulung.
 
@ Kadan kou no
dot a humarap
dinot Anak dino, ka.
Tu okugui iosido.
I buatan Dau iadino
inovitan tokou Dau
di koposizan penlaid.
Tomon-kou, otongobpinai,
tu i samod nokembulai.
Higak-kou ot ongoulun
tu i Yesus o monulung.

@Ino samod-Nu, o Tuhan,
monuli-okoi dara,
Topot a-elaan-za.
Mindamo-okoi sid Dikau:
tatapo i ginavo
dot ounsopot sid penlaid.
 Tomon-kou, otongobpinai,
tu i samod nokembulai.
Higak-kou ot ongoulun
tu i Yesus o monulung.



#104 
Itahak-ku sokoviai

@Itahak-ku sokoviai sid Tuhan Yesus Kristus.
Suvab suvab nga mangasip om manamod oku Dau.
Itahak ku no. I sokoviai.
Itahak ku sokoviai sid Tuhan Yesus.

@Sokoviai itahak ku om isamba ku no Dau.
Peduo-oku antad sitid higak do pomogunan.
Itahak ku no. I sokoviai.
Itahak ku sokoviai sid Tuhan Yesus.

@ Sokoviai itahak ku om asanganu-oku.
I sundu o pelo dohon: Nasanganu-oku Dau.
Itahak ku no. I sokoviai.
Itahak ku sokoviai sid Tuhan Yesus.

@Itahak-ku sokoviai i guvas om ginavo
ponuo oku di samod, barkat om i kuasa-Nu.
Itahak ku no. I sokoviai.
Itahak ku sokoviai sid Tuhan Yesus.


#105 
O Tuhan Berkatai okoi-no

@O Tuhan berkatai okoi-no
di momonguli okoi,
Ponuo i ginavo-za
berkat om kohigakan,
i Sundu-Nu om i samod-Nu,
Monunda sid panahon.

@Monorima kasih-okoi
di habal kovosihan,
nempanggalan-okoi kavi
di kuasa om samod-Nu
tulungai-okoi, tulungai-okoi,
biano sampai penlaid.



#106 
Tuhan o mozo-vozo Dikau

@Tuhan o mozo-vozo Dikau.
Iosido manaud Dikau.
Tahakan ko do surupu 
sampai kopimot tokou vagu.
Misamung-no vagu
sid kangkab Kinoringan.
Misamung no vagu
sid tinoguvangon di Yesus.

@Tuhan o mozo-vozo Dikau,
insasamadan-ko Dau.
Tahakan-ko do barakat
sampai kopimot tokou vagu.
Misamung-no vagu
sid kangkab Kinoringan.
Misamung no vagu
sid tinoguvangon di Yesus.

@ Tuhan o mozo-vozo Dikau.
Minsan sid tanga do rondom
om sid tanga do borizu
sampai kopimot tokou vagu.
Misamung-no vagu
sid kangkab Kinoringan.
Misamung no vagu
sid tinoguvangon di Yesus.

@Tuhan o mozo-vozo Dikau.
Iosido o harapon-Nu
di hiza di mizau-ko-po
sampai kopimot tokou vagu.
Misamung-no vagu
sid kangkab Kinoringan.
Misamung no vagu
sid tinoguvangon di Yesus.



#107 
Monorima kasih tokou sid Tuhan 

@Monorima kasih tokou sid Tuhan,
tu aso koingkadan di samod Dau.
Biano om suvab nga aso koingkadan
di kovosihan Dau.

@Minongurug i Tuhan di riniba
i putanaon om i belantara.
Sid somok om sid sodu
nga orikatan tokoui di samod Dau.

@ Sinopulan di Tuhan i bansa Dau
antad sid kuasa di raja Firaun.
Supaya sid Kanaan o kotimpuunan
di karajaan Dau.

@Sokoviai tokou nga mongoguna
di kogozoo di koruhunan Dau
sampai biano a-engkod
i vazaan di Kinoringan manamod.

@Tokou misasamod-samod tokou
it osomok ko it ongosodu
supaya kopurimon tokou dot agazo
i samod di Tuhan.


#108 
Ihimo no dikou i karajaan 

@Ihimo no dikou i karajaan
om kabanaran di Tuhan.
Tu ong iadino itahak sid dikou
ino koposizon vokon.
Haleluya, Haleluya,
Haleluya, Haleluya.

@Indamo-kou om atahakan-kou
Ihimo-no om kemot-kou.
Koritiko-no dikou i rongobon,
supaya ogiangan kou.
Haleluya, Haleluya,
Haleluya, Haleluya.

@ Nunu-no it ozi-kou do gamaon
dit ongoulun sid dikou,
atag do gamao laid dikou ioti
ino kenginan di Tuhan.
Haleluya, Haleluya,
Haleluya, Haleluya.

@Osinang-no it ulun di otulid
om olomi i ginavo.
Sabap kotungkus diti pomogunan.
Haleluya, haleluya.
Haleluya, Haleluya,
Haleluya, Haleluya.



#109 
Mongindazou tokou no 

@Mongindazou tokou no,
mongindazou tokou no,
mongindazou di Tuhan, Amen.
Haleluya, Haleluya, Haleluya, Amen.



#110 
Kristus amu monodiri 

@Kristus amu monodiri
do Timur om Barat
sokoviai i Kristian
varo piniizaan.

@I tokou kovi-oviai
songlongoi longoi-no
di kuasa di Yesus Kristus
di pezo di tokou.

@ Iti-no sabap, a-milo
it ondu ko kusai,
anak, osukod, ensanan
i Tuhan hormaton.


#111 
Siombo i samod om kabanaran 

@Siombo i samod om kabanaran;
sino mintoron i Kinoringan.



#112 
Imatai-no i gama di Tuhan 

@Imatai-no i gama di Tuhan
Minongurug iosido di tokou song riniba
minanahak di koposizan om i samod Dau.

@Imatai-no i gama di Tuhan
Minananggung iosido di tokou song riniba
om manapul di tokou di kovosihan Dau.

@ Imatai-no i gama di Tuhan
Posusi no iosido di tokou song riniba
om pezo di tokou sid piniizaan Dau.


#113
Yesus Kristus sid ngaran-Nu 

@O Yesus Kristus sid ngaran-Nu
tumoguvang sid Dikau:
Tahakai-okoi i Sundu-Nu
di mozo dahai biano.

@O Yesus Kristus sid ngaran-Nu
tumoguvang sid Dikau:
Tahakai-okoi i kuasa-Nu,
supaya kogoos ong iokoi.

@ O Yesus Kristus sid ngaran-Nu
tumoguvang sid Dikau:
Tahakai-okoi i samod-Nu,
tu polombus-po sid ulun.

@O Yesus Kristus sid ngaran-Nu
tumoguvang sid Dikau:
Tahakai-okoi i harapan
sid karajaan di rumikot.



#114 
O Tuhan gazado oko-no

@O Tuhan gazado oku-no,
tu rumosi oku sid ralan.
Agazo o ginavoku
sumuhut Dikau sodop adau.
Tahakai oku i kosipan,
di kogoos sid kotuvangan
supaya mangagazad oku
dit ulun sid ralan dot otulid.


#115 
I Kinoringan ot ovud 

@I Kinoringan ot ovud
di barkat do kovosihan.
Mongindazou di kuasa Dau
suvab-suvab sampai penlaid.

@Minongurug i Tuhan-za
di vinangun om riniba.
Sokoviai sid palad Dau.
Mongindazou sodop adau.

@ I Yesus Kristus o Tuhan
di tokou sompompgunan.
Iosido o mangahatul
om manamod di sokoviai.

@I Sundu do Kinoringan
o mongolindung di tokou
sid gama om sid panahon,
siombo it intoronon.

@Mindamo tokou dit Ama
i sid saralom do surga,
supaya pezo iosido
di tokou sid gorija Dau.



#116 
Ot ongo bansa pangarazou kou 

@Ot ongo bansa, pangarazou kou
di kuasa do Kinoringan.
Ot ongo pomogunan, rikot kou
tu sumamba nopo di Tuhan.
Akansang i hoturan Dau
i kovosihan sidi tokou;
Pangarazou kou no di Tuhan.

@I kovosihan Dau o monunda
di tokou ongoulun Kristian.
I katapatan om kobinsianan
mozo-vozo di tokou biano,
Suvab-suvab sampai penlaid
orindingan tokou kavi
d'katatapo di Tuhan Yesus.



#117 
Ong duvo tolu miumpug

@Ong duvo, tolu miumpug
sid ngaran ku, sino oku.
Sino oku, ka di Yesus.



#118 
O Tuhan popiandus 

@O Tuhan popiandus-no om pabanaro dahai. 
Ikau o kopiondusan o Tuhan, pezo dahai.



#119 
Siti no Tuhan berkatai okoi-no

@Siti no Tuhan berkatai okoi-no,
hiza di muli okoi sid valai-za.
Supaya elaan dot soumul-umul 
tinaud okoi di kovosihan-Nu.

@Asot elaan za mamasi kondiri,
ong okonko Ikau mangagazad
dahai sid ralan do ka-
banaran om samod di monunda di valai om gamaon.

@ Engin-okoi-no polombus sid vokon,
ombo atahakan-za di palad-Nu.
Tu i berkat okonko bai sid dahai,
inoi nga sid ulun sokoviai.



#120 
Higak sid ngaran di Tuhan

@Higak sid ngaran di Tuhan
humigak oku vagu.
Higak, higak, humigak oku vagu.



#121 
Mongining-okoi Dikau 

@Mongining-okoi Dikau,
mongining-okoi Dikau,
mongining-okoi Dikau o Tuhan,
mongining-okoi Dikau,
mongining-okoi Dikau,
mongining-okoi Dikau o Tuhan.

@Mangasip-okoi Dikau 
..... o Tuhan.

@ Sumuhut-okoi Dikau 
..... o Tuhan.

@Humarap-okoi Dikau 
..... o Tuhan.

@Mindamo-okoi Dikau 
..... do barkat.


#122
Kovosihan om Samod

@Kovosihan om samod-Nu,
Minanapul dohon,
I napalid om bolou-ku
Nemumui om nokosirot

@Kovosihan di monuduk
om popiandus dahai
I bantug di kosianan-Nu
Pozom di rosi-ku.

@Sid tanga do kosusaan
Longon-Nu monulung
Oumbasi no i panau-ku
Sampai koulian-ku.

@I janji-Nu do penlaid
Manaud Ko dahai
Ikau-no kempanggalan-ku
Sampai kapatazan.

@Ong orikot e su'ul-ku
Vusak lumondihu
Topot humigak oku-no
Muli sid kangkab-Nu.


#123
Nogulian e Yesus

@Nogulian i Yesus, Haleluya!
Nakamanang tokou-no, Haleluya!
Sid sangkap po yosido, Haleluya!
Minananggung di tokou, Haleluya!

@Longozo tokou i Kristus, Haleluyah!
Yosido no i Raja, Haleluyah!
Nitahak Dau i guvas, Haleluyah!
Napasi tokou biano, Haleluyah!

@Minsan ko nasansara, Haleluyah!
Sinaan Dau i sangkap, Haleluyah!
Yesus-no i Rajaku, Haleluyah!
Sokoviai mindolongoi, Haleluyah!

@Insavat ku i longoi, Haleluyah!
Sampai penlaid endazou, aleluyah!
Sumamba okoi Dikau, Haleluyah!
Ama, Anak om Sundu, Haleluyah!


#124
Nening-ku i Yesus

@Nening-ku i Yesus
"Kada-no kihongkob,
Rikot om boboo-no,
Ngaran-Ku sampai penlaid"

$Nohugus no Dau kavi sala-ku,
Minsan-ko i kalas nga,
Nolingos koviai

@Kovosihan-Nu Tuhan
om kogozoo-Nu
polomi di ginavo
di mongolim  samod-Nu
Nohugus....

@Aso o bantugku
Ong mozo  kondiri
Baiko Ikau kapasi
Oh Domba Tosusi
Nohugus...

@Sid toguvang di Tuhan,
Nosopulan oku
Yesus no minonobus
longozon-ku-no penlaid.
Nohugus...


#125
Siti-no Tuhan koruhang doho

@Siti-no Tuhan koruhang doho,
Aso vokon ot kenginan-ku,
Komboo oku adau om sodop,
Posik om odop-ku sid toguvang-Ko,

@Tabangai oku-no, toudo i borosku,
Tambanganai oku do sumunsui,
Di ralan-Nu do sumukod oku,
Kodimon ku no Ikau do molohing-ku.

@Likupai oku-no sid tanga borizu,
Ikau Tuhan oh kempangalan-ku,
Mintoron oku sampai otodu,
Sid palad-Nu ino koposizan-ku.

@Nunu po gusaon sid pomogunan 
Ong varo-no i Kinoringan 
Osukup-no ong kotorimo oku 
Kovosihan-Nu ot tinungkusan-ku 

@Oh Raja do syurga raja tanavau 
Kohigakan om koposizan 
Komboo oku higak om lungui 
Siti-no Tuhan koruhango oku.

#126
Nitahak Dau

@Nitahak Dau Anak Dau Yesus,
Tu i samod dit agazo,
Minatai tu monobus dohon,
Notori-no i kapatazan om sangod.

$I samod Dau kapasi no penlaid,
Kuasa om kabanaran Dau,
Elaanku, toudon oku,
Biano sampai avi pinuhobo-ku.

@Nakalandai bahagi tokou,
Higak kou-no tomon kou-no,
Apasi tu samod dit Ama,
Notori no i sala ku tu samod Dau,
I samod Dau.....

@Insan tadau do muli oku,
Ovionku i sukudku,
Do gumusa di nokogulu,
I Yesus monuntun tokou sid anavau
I samod Dau....


#127
Sid di Yesus

@Sid di Yesus o harapan,
Kengnavahan om longoi-ku;
Kinengkakato origi-ku
Apapag minsan sid lizud.

$Nunu song-samod om katanangan,
Hiza noponu do korosizan,
Pentoron-Ko manaud dohon,
Sid samod-nu tumatap oku.

@I Yesus i minindahu
Jinumadi-Ko 'tosiba
Samod om i kabanaran
Sansara-Nu koposizan-ku.

$Sid sangkap-Ko do minatai
No-ompus-no i hungot-Nu
Binabo-Nu i sala-ku
Minatai-Ko napasi-oku.

@I tinan-Nu, modop-odop
Sinumaap Ko 'totuvong
Nogulian-Ko, mingkakat-Ko
Notori-Nu i kapatazan.

$Sid kamanangan-Nu Tuhan
Notolikudan i sangod-ku
Nasanganu oku Dikau
Notobus oku raha-Nu.


#128
Ozom tokou minta dua

@Ozom tokou minta dua
i Yesus no kodimon-za
Porikoto karajaan
om i kenginan-Nu Tuhan.

$Mindamo okoi di barkat
I longon-Nu di monunda,
Aso vokon o kenginan,
Bai Ikau iso Tuhan-za.

@Rumikot okoi sid Dikau!
Pensavat-no di palad-za
Tumoronong okoi Dikau
Koritikon-za i surga.

$Posunuo kenginan-Nu
Kovosihan om samod-Nu
Romito-no i ginavo
Dahai di mongodim Dikau

@Mungkolu-no i dolou-za
I hongkob-za dit avagat,
Topot Ikau o ka-sasi
Di pogos dahai riniba.

$Amu okoi koponuli,
Di kavantangan-Nu Tuhan
Minta dua okoi biano,
Posunuo kenginan-Nu.


#129
Yadko i vaig do bavang

@Yadko i vaig do bavang dit oruhun,
opozoi-no purimon-ku,
I hongkob ginavo nga tumodu-no,
Osinang-no i ginavo-ku.
$Ozom-no, Avazau,
Osinang, avazau ginavo-ku.

@Minsan-ko humigak
kavi i sangod-ku
posubo dohon sid sana
Nga kakal do kasip
oku di samod
tumalad-Ko dohon mamanau......
$Ozom-no, Avazau,
Osinang, avazau ginavo-ku.

@I koposizanku di noponuh sala
inovit-Nu-no sid sangka
kumavid oku sid longon-Nu Yesus
Tu Ikau no minonobus dohon.
$Ozom-no, Avazau,
Osinang, avazau ginavo-ku.

@Tuhan tabang-no ong orikot i timpu
do lumomi kosipan-ku
Pakansango-no ongo-ginavo-za
Sampai koguli-Ko sid dahai /
$Ozom-no, Avazau,
Osinang, avazau ginavo-ku.


#130
Otopot boros di Yesus

@Otopot boros di Yesus
Inono kavi suhutonku,
I boros Dau ot iningon tokou,
Yesus no ot osipon-ku

@I boros Dau ki-koposizan,
Mingongovit do kovosihan,
I ningo ong kodimon-ko-no,
Pangasip no di Yesus

@Otopot sampai biano,
I boros Dau salaid-laid
Ino-no o kovidan tokou,
i habal kovosihan.


#131
Siti kou koviai

@Siti-kou koviai, haleluya amen!
Razou-kou di Tuhan, haleluya amen!
Dolou om ginavo, I tahak sid Tuhan
Rozoho i Tuhan, haleluya amen!

@Itahak-za ginavo, haleluya! Amen!
Pensavaton i dolou, haleluya! Amen!
Onsopot no koviai Samod Dau aso rontob
Rozoho no i Tuhan, haleluya! Amen!

@Rozoho no i Yesus, haleluya! Amen!
Notobus tokou-no Dau, haleluya! Amen!
Muli tokou sid surga, longozon-za no penlaid /
Rozoho no i Tuhan, haleluya! Amen!


#132
Banalko agazo ngaran di Yesus

@Banalko agazo 
I ngaran di Yesus
Ngaran di ki kuasa 
I Yesus ku,

@Yesus di asavat
Tuhan do kipangkat
Ngaran di kapasi 
I Yesus ku

$Minanaud tokou 
Om mamasi tokou 
Kavi sid palad Dau....

@Sumamba tokou-no 
Samod dit agazo 
I ngaran tasavat
I Yesus ku

#133
O Kinoringan dahai manaud koviai

@O Kinoringan dahai manaud koviai,
Sumamba okoi Dikau o Tuhan tasavat,
Iningo i dolou-za di mongodim Dikau,
Sopulai okoi Tuhan tu orukung okoi.

@Mindamo okoi Dikau o Tuhan-ku penlaid
Boludai okoi no do bahazan tavanus,
Pokosogo okoi-no sampai obinsuhut,
Tundao okoi amu kopunovot vokon

@Yokoi di ngo-kodim ponuhu di Yesus,
Tahakai okoi-no ginavo misompuru,
Supaya poilang okoi di kovosihan,
Om miilang okoi-no sid iso-no kosipan.

#134
Pahabaro no koviai

$Pahabaro-no koviai,
Iti habal do kovosihan,
Iningo no dikou nakalandai i Yesus....

@Osiba ginavo,
sumamung di tokou,
Nitahak Dau i guvas,
Polingos di tokou....

@Mindamo okou-no,
di samod di Tuhan,
Minsan kisala oku,
Samadan oku-no....

@I habal kapasi,
linongoi malaikat,
Norongou-no di tokou,
I samod dit Ama....

@I Yesus ragang po,
Minamung do dupot,
Yadino kosiba,
Samod dit agazo.....

#135
Rikot-no sid di Yesus

@Rikot-no sid di Yesus,
ong tuliohon-ko,
Aso vokon tihimon,
Yesus no 't ovud.

@Ihimo no i Yesus,
Ong okugui-ko,
Aso vokon pokosog,
Guvas ginavo.

$Baiko Yesus ot kaangol
Di kosusaan tokou.
Ong opogos biano,
Kodimo i Yesus.

@Kodimo no i Yesus,
Ong napalid-ko,
Aso vokon po'pelo,
Ralan-nu muli. 

#136
I Yesus no i minanaggung dohon

@I Yesus-no o minananggung dohon,
Aso vokon tanid ko i Yesus.
Kohigakan-ku om i kabanaran,
I samod di kelo aso rontob.

$Iti no i kovidan-ku penlaid,
I riniba bai Yesus kapasi,
Nunu po ihimon sid tohudi tadau,
Bai Ikau Yesus mamasi.

@Sid otuvong amu oku rumosi,
Sid toguvang Ko dohon mintoron,
Sid osusah ginavo dit okugui,
Sid somok ko pelang kohigakan,

$Iti no i kovidan-ku penlaid,
Yadko domba tinaud oku Dau,
Nunu po gusaon sid tohudi tadau,
Bai Ikau Yesus mamasi.

@Ong avi-no iti pinuhobo-ku,
Mozo oku di kodim dolou-Nu,
Tu iri-no janji nokovidan-ku,
Minogulu Ko sid rikoton-ku.

$Iti no i kovidan-ku penlaid,
Muli oku-no sid toguvang-Nu,
Nunu po gusaon sid tohudi tadau,
Bai Ikau Yesus mamasi.

#137
Aso vokon koponobus

@Aso vokon koponobus,
Baiko i raha di Yesus;
Nunu-po kapamasi? 
Baiko i samod di Kristus.

$I raha di Yesus,
Minonusi dohon,
Iti no kovidan,
Baiko i raha di Yesus

@Aso-no gusaon-ku,
Tanid-ko muli sid Dikau;
Nunu po kapamasi?
Baiko i raha di Yesus.
I raha....

@Aso vokon kohugus,
I sala-ku sid di Tuhan;
Nunu po koponusi?
Baiko i raha di Yesus.
I raha......

#138
Nasanganu oku-no

@Nasanganu-no oku di Tuhan,
Nokodim oku dot anak;
Koposizan-ku sid longon-Nu-no,
Mintoron-no sid Dikau.

$Pensomoko oku sid Dikau,
Sid sangkap-Nu Oo Yesus,
Pensomoko-no okoi sokoviai,
Sumamsi di raha-Nu

@Onuvo oku do ponuhu-Nu,
Mamabo oku kodim-Nu;
Potuduko sid dahai koviai,
Gama di Yesus Kristus.
Pensomoko.....

@Sid toguvang-Nu o kenginan-ku,
Mongining oku dolou-Nu;
Rumikot oku do sumingkudou,
Sumamba oku Dikau.
Pensomoko.....

@Rahat om avan amu kaabal,
Kogozoo di samod-Nu; 
Ovito okoi o Tuhan Yesus,
Sumasi okoi di Tuhan.
Pensomoko....

#139
Razou-kou-no Kinoringan

@Razou-kou-no Kinoringan!
Razou-kou-no! Razou-kou-no!
Razou-kou-no Kinoringan!
Rozoho tokou-no;

*No-imot-no sokoviai,
gama di Tuhan do monunda,
Miiso tokou kavi,
Pensavaton it,
Ongo longon-za.

$Kohormatan sid Tuhan-za,
I Tuhan-ku tasavat!
Razou-kou-no Kinoringan!
Humormat di ngaran Dau..
Razou-kou-no Kinoringan!
Humormat di ngaran Dau..
Di ngaran Dau.

#140
I kosipanku sid di Yesus

@I kosipan-ku sid di Yesus,
Iti-no i kovidan-ku penlaid,
Notobus oku di raha Dau,
No-ingvoguvan om nohugus-no.

$Iningo no iti tuturan-ku,
Kuran i gama di samod Dau,
Ong orikot-no kodimon-ko,
Torimoo-no i Yesus-ku.

@Kinoringan-ku, mamasiku,
Ikau-no Tuhan ulion-ku,
Mozo-oku-no di malaikat,
Mongindazou sid toguvang-Nu.
Iningo-no iti.....

@Kohigakan-ku, mozo Dikau,
Sid palad di Yesus itahaka-ku,
Inudan-ku-no i kodim-Nu,
Sid kangkab-Nu ot ulion-ku.
Iningo no iti....

#141
Mutanom tokou sid tagad Kinoringan

@Mutanom tokou sid tagad Kinoringan,
Sasarap sampai orikot 'totuvong,
Monginud oku di, adau di rumikot,
Humigak tokou tu korikatan Dau. 

$Humigak tokou! Humigak tokou!
Korikot-no i Yesus,
Sid tagad Dau!
Humigak Tokou! Humigak tokou!
Korikot i Yesus,
Mongoi di tokou!

@Anavau otuvong kadan-kou humuzan,
Tu yadino-no i Yesus sid sangkap,
Boboo i kodim, tokou ponuhu Dau,
Gumama tokou sid tagad di Yesus.
Humigak tokou!......

@Ombo-no'ng oruol, kavi ongo palad,
Hondomo i kapagasan di Yesus,
Pensavaton-no-po, kavi ongo hongkob,
Tu Yosido-no sanganu di tagad!
Humigak tokou!.....


#142
Tuhan o kempangalan-ku

@Tuhan o kempangalan-ku,
Kolig-ku di apapag;
Ponulung dit ongo-kugui,
Riniba di ki rontob.
Tu kakal gusaon, tokou kapatazan.
Nga Yesus monulung om mongolikup-no,
Di tokou di mangasip.

@Ong kondirizon sumaap,
Di kuasa kapatazan;
Tantu aso otivol-ku,
Ong okon Kinoringan.
Humarap tokou-no! Kritus Yesus tokou!
Tuhan i mananggung om mongolikup-no.
Sampai nakamanang-no.

@Kakal tokou do sumasi,
Di Tuhan do mamasi;
Edu-no i purimon-ku,
Di kakal po rumosi.
Tu kuasa di Yesus, o minonori-no!
Kavi i sangod-ku, om kapatazan-ku.
I ngaran Dau kapasi.

#143 
Kadan kou-no do humongkob

@Kadan-kou-no do humongkob,
Toudon kou di Tuhan;
Kadan-no ki-rosi vagu,
Toudon-kou di Tuhan.

$Tuhan i manaud,
Antad gulu, sampai penlaid.
Tuhan i monunda.
Pengavi sukud-nu.

@Ong kavaza-kou tosusah,
Hondomo i Tuhan;
Sid ralan do kapagasan,
Toudon-kou di Tuhan.
Tuhan i manuad.....

@Ong varopo ihimon-nu,
Indamo sid Tuhan;
Koritiko-no i surga,
Kodimo i Tuhan.
Tuhan i manaud...

@Ong opogos purimon-nu,
Toudon-kou di Tuhan,
I Yesus-no minonukup,
Sampai osusi-ko,
Tuhan i manaud...

#144
Tulungai okoi sid pensubaan

@Tulungai okoi sid pensubaan,
Supaya humarap sid Dikau,
Pokosogo-no i kosipan-za,
Kumavid boros-Nu tosusi.

$Tulungai okoi dit ongo-kugui,
Tundao okoi yadko anak.
Di lumaang nga kakal kotongkihal,
O Tuhan tundao okoi-no.

@Tuhan-ku ong opogos oku-no,
Tabangai okoi-no mungkazut,
Ong pinuhobo-ku nga munso-no,
Tabangai-oku-no mumbongut.

$Tulungai okoi dit ongo-kugui,
Tundao okoi yadko anak.
Di lumaang nga kakal kotongkihal,
O Tuhan tundao laang-za.

#145
Banalko Agazo

@Banalko agazo samod di Tuhan,
Kuasa dot otuvong mogidu-no,
Ong riniba tantu ko ogurimban,
Topot i Yesus amu sumimban.

$Banalko agazo samod di Yesusku,
Ipat adau manaud ko dahai,
I kovosihan-Nu monukup dahai,
Banalko agazo i samod-Nu.

@Hiza manampangi, hiza alasu,
Kakal o-imot-za avantang-ko,
Emot sid avan, napu, kolobintang!
Sumasi okoi-no kuasa-Nu.
Banalko....

@Yesus-no minatai, bahagi dahai,
Supaya kouli okoi sid Dau;
I kempanggalan Yesus ot-kovidan,
Sumuhut okoi-no di manamod.
Banalko....

#146
Tuhan Tasavat 

@Sid toguvang-Nu o Tuhan tosundu,
Rumikot okoi mongovit ginavo,
Tuhanku Ikau, Tuhan i keso;
Kaharati dit indamo dahai;
Iningo i dolou-za di mungkolu,

$Ikau-no Tuhan tasavat,
Pinembulai koposizan,
Ikau-no Tuhan tasavat;
Sampai sid penlaid mozo-vozo.

#147
Pentalango-no 

@Pentalango-no, pentalango-no,
I kuasa-Nu monunda di ralan-ku,
Pentalango-no, pentalango-no,
I kovosihan, om kohormatan,
Sampai penlaid, Ikau-no Kinoringan-ku

#148
Yesus-ne Tuhan ku asimbanan-ku 

@Yesus-ne Tuhan-ku asimbanan-ku,
Yesus-ne Tuhan-ku asimbanan-ku,
Yadke kazu sumuni sid timbang do vaig,
Amu sumimban

$Amu-no osimbanan-ku,
Amu-no osimbanan-ku,
Yadke kazu pensuni sid timbang do vaig,
Amu sumimban!

#149
Mintoron

@Imatai tokou it ongo bunga,
Mivusak do mongindazou;
Amu insan humongkob,
Minsanko onibak it sukud.

@Timpan-kou sid ongo-burul,
I dupot di mongindazou;
Pemot-no di kuasa Dau,
I kovosihan Dau it a ohorotizan-za.

$Biano i ginavo torukung,
Kasanganu-no di samod Dau,
Minsan sid tanga kosusaan,
I Tuhan o monunda Dikau.
Tantu amu ko i polingan,
Tu yadino i noboros Dau,
Do mintoron tokou-ma diti,
Saralom ginavo Dau.


#150
Mokiuripon jumadi barakat

@Hiza tumonob ilo t'adau
Andaman ku i kavi i gama,
Longon-Nu manaud, dolou-Nu monunda,
Kumoruhang ko sampai otuvangan oku.

@Hiza moguni it ombolog,
ohigak om otomon i ginavo,
Minsanko opogos Ikau mozo-vozo,
Samod-Nu ino no o kempangalanku.

$Pongindazou-no o ginavo ku,
Sid odop om koposikan-Nu
Mamanau sid tagad Kinoringan,
Mogihim dit okugui,
Poilang kohigakan,

$Patahako no oh ginavo-nu,
Jumadi ponuhu kou di Yesus,
Mokiuripon jumadi barakat,
Mongovit kovosihan,
Sampai korikatan Dau.